Portread a Phŵer

1 Tachwedd 2025 - 30 Mai 2026

Oriel Gregynog 

Meddwl dy fod ti’n deall portreadau? Meddylia eto.  

Mae’r arddangosfa hon yn dy wahodd i edrych – ac edrych eto.  

Mae’r Portread a Phŵer yn canolbwyntio ar y rheiny sydd wedi’u hanwybyddu’n aml yn hanesyddol, gan archwilio sut mae hunaniaeth, y ffordd rydyn ni’n edrych ar eraill, a phŵer yn cydblethu mewn portreadau. Gan ddefnyddio gweithiau celf hen a newydd, mae Portread a Phŵer yn dy wahodd i ailfeddwl rolau traddodiadol, herio’r ffordd mae portreadau fel arfer yn cael eu creu, ac archwilio sut maen nhw’n adlewyrchu — neu’n newid — y straeon rydyn ni’n eu dweud am rywedd, hil, dosbarth a pherthyn.

Wrth i ti ymweld â’r arddangosfa, bydda’n barod i edrych ar bortreadau mewn ffyrdd newydd, ac i ofyn cwestiynau newydd:

Pwy sydd â’r pŵer yma?  
Beth mae'n ei olygu i gael dy weld — neu i fod yn anweledig? 
Pa ran wyt ti’n ei chwarae wrth edrych ar bortread?

Mae uchafbwyntiau’r arddangosfa yn cynnwys gweithiau newydd sbon i’r casgliad gan artistiaid fel Anya Paintsil, Sue Williams ac Isabel Adonis, yn ogystal â gwaith gan artistiaid fel Gwen John, Shani Rhys James a Claudia Williams.

Darganfyddwch ffordd newydd sbon o fwynhau’r arddangosfa gyda’n taith sain, sy’n cynnwys disgrifiadau sain o weithiau allweddol gan ddod â’r celf yn fyw.  

Nodwch, os gwelwch yn dda, bod yr arddangosfa hon yn cynnwys delweddau neu themâu a allai beri gofid neu dramgwydd i rai pobl.