Mae Llyfrgell Genedlaethol Cymru yn un o lyfrgelloedd mawr y byd. Wedi ei lleoli yn Aberystwyth yn edrych dros Fae hyfryd Ceredigion, mae’n gartref i stori Cymru. Wedi ei hagor yn 1907, mae’r Llyfrgell yn ganolbwynt ymchwil i ddiwylliant a threftadaeth Cymru a’r gwledydd Celtaidd.
Yn lyfrgell adnau cyfreithiol, mae ganddi hawl i gopi o bob llyfr a gyhoeddir ym Mhrydain. Mae hefyd yn gartref i lyfrau prin, llawysgrifau, archifau, ffilm a fideo, papurau newydd, mapiau, deunydd sain, ffotograffau a gweithiau celf.
Gallwch gysylltu gyda’r Llyfrgell ar y manylion isod
Llyfrgell Genedlaethol Cymru
Aberystwyth
Ceredigion SY23 3BU
Ebost: gofyn(at)llgc.org.uk
Ffôn: 01970 632 800
Mae gennym ni hefyd wasanaeth ymholiadau am ddim. Gallwch gysylltu â’r gwasanaeth ar y manylion uchod, neu trwy lenwi ein ffurflen ymholiadau arlein.
Sefydlwyd y Llyfrgell Genedlaethol gyda rhoddion pobl Cymru. Ei chasgliad craidd oedd casgliad llawysgrifau Hengwrt a roddwyd i'r Llyfrgell gan Syr John Williams. Mae’r traddodiad yma o gefnogi’r Llyfrgell yn parhau hyd heddiw.
O gyfraniadau ariannol i gymynroddion neu gyfrannu eitemau i'r casgliad, mae eich cyfraniad chi i'r Llyfrgell yn diogeli ein hanes a’n traddodiadau i genedlaethau’r dyfodol eu mwynhau. Mae’r Llyfrgell yma i ddiogeli stori Cymru, beth am i chi ymuno â ni?
Cewch yr holl wybodaeth ddiweddaraf o’r Llyfrgell ar ein tudalennau newyddion yn ardal y wasg.
Beth am ddilyn ein cyfrifon cyfryngau cymdeithasol er mwyn derbyn y newyddion diweddaraf yn syth i'ch dyfais?
Oes gyda chi ddiddordeb yn hanes a threftadaeth Cymru? Ydych chi’n hoffi cwrdd â phobl newydd a gwneud ffrindiau? Hoffi heriau newydd, cyffrous? Beth am ymuno â’n cynllun gwirfoddolwyr?
Mae ein prosiectau’n amrywio o heriau unigol o adref, i heriau unigol neu dîm yn y Llyfrgell. Mae’r prosiectau'n cynnwys pethau fel trawsgrifio ac adnabod gwybodaeth neu brofi gwefannau’r Llyfrgell. Mae’r gwaith hwn yn holl bwysig er mwyn rhoi mynediad i'r casgliadau.
Hoffech chi ymuno â thîm un o sefydliadau Cenedlaethol Cymru? Ydych chi’n weithiwr brwdfrydig sy’n hoffi sialens? Ydych chi’n awyddus i gyflwyno stori Cymru i'r byd? Yna efallai mae’r Llyfrgell yw’r lle i chi.
Mae’r Llyfrgell yn cynnig amrywiaeth o gyfleoedd cyflogaeth. Beth amdani?
Mae Llyfrgell Genedlaethol Cymru yn gorff a ymgorfforwyd gan Siartr Frenhinol, ac mae hefyd yn elusen (rhif cofrestredig: 525775) ac yn Gorff a noddir gan Lywodraeth Cymru (CNLC).
Mae gan y Llyfrgell Fwrdd o Ymddiriedolwyr sy’n llywodraethu drosti. Gallwch ddarllen cofnodion cyfarfodydd y Bwrdd a gweld aelodaeth y Bwrdd hwn ar ein gwefan.
Gallwch hefyd bori ein prif ddogfennaeth gorfforaethol, a chael gwybodaeth am rai o’r prif ddeddfau yr ydym yn cydymffurfio â hwy.