Llun pennawd: Matías Valenzuela ©

Safbwyntiau brodorol ar yr ymsefydlu Cymreig ym Mhatagonia

Mae’r arddangosfa hon yn dwyn ynghyd cyflwyniadau creadigol sydd yn ymwneud â hanes Chubut a gynhyrchwyd yn sgil galwad am gyfraniadau a luniwyd fel rhan o’r prosiect “Problemateiddio Hanes: Safbwyntiau brodorol ar yr ymsefydlu Cymreig ym Mhatagonia”. Ymatebodd artistiaid Mapuche Tehuelche i’r gwahoddiad i fyfyrio’n feirniadol ar wladychiaeth ymsefydlwyr a’i naratifau sylfaenol, sydd yn portreadu’r berthynas rhwng y bobloedd frodorol, y mewnfudwyr Cymreig a Gwladwriaeth yr Ariannin fel un o “ddiwylliannau’n cyfarfod yn gytûn”. Mae’r naratifau hyn yn gwneud atgofion Mapuche Tehuelche yn anweledig ac yn tawelu eu tystiolaeth am y dadleoli gorfodol, y difeddiannu a’r adfeddu cenedlaethol a fu. I’r gwrthwyneb, nod y prosiect hwn yw amrywio’r safbwyntiau ar sefydlu Patagonia, gan ailymweld â gweithiau ymchwil diweddar, llwybrau a phrofiadau bywyd, tystiolaeth lafar, ac atgofion a wnaethpwyd yn anweledig, a’u gwadwyd, neu a’u gwthiwyd i’r ymylon.

Hoffech chi ddarganfod mwy am y prosiect? Ceir mwy o fanylion yma.
 

Ariennir y prosiect gan Gyngor Ymchwil y Celfyddydau a’r Dyniaethau (AHRC, DU) ac fe’i cynhelir trwy gydweithrediad Prifysgol Abertawe (Cymru, DU), Llyfrgell Genedlaethol Cymru, Celfyddydau Rhyngwladol Cymru, a’r Grupo de Estudios sobre Memorias Alterizadas y Subordinadas (GEMAS).