Hygyrchedd

Datganiad Hygyrchedd Llyfrgell Genedlaethol Cymru

Mae Llyfrgell Genedlaethol Cymru wedi ymrwymo i wneud ei gwefannau yn hygyrch, mewn cydymffurfiaeth â Rheoliadau Hygyrchedd (Gwefannau a Chymhwysiadau (applications) symudol) (Rhif 2) Cyrff y Sector Cyhoeddus 2018

Mae'r datganiad hygyrchedd hwn yn cwmpasu gwefan Llyfrgell Genedlaethol Cymru ac unrhyw wefan sydd yn gorffen llyfrgell.cymru neu library.wales.

Statws cydymffurfiaeth

(b) Mae'r wefan hon yn cydymffurfio'n rhannol gyda Canllawiau Hygyrchedd Cynnwys Gwe (WCAG) fersiwn 2.1 safon AA oherwydd y diffygion cydymffurfiaeth a'r eithriadau a restrir isod o dan cynnwys anhygyrch.

Cynnwys anhygyrch

Nid yw'r cynnwys a restrir isod yn cyrraedd meini prawf llwyddiant WCAG 2.1 AA ac y mae'n anhygyrch am y rhesymau canlynol:

(a) diffyg cydymffurfiaeth gyda'r rheoliadau hygyrchedd

Fideo

Nid oes capsiynau neu destun amgen gan bob fideo ar hyn o bryd. Mae hyn yn methu maen prawf llwyddiant 1.2.2 (Capsiynau (Wedi Recordio o Flaen Llaw)), 1.2.3 (Disgrifiad Sain neu Gyfrwng Amgen (Wedi Recordio o Flaen Llaw)) a 1.2.5 (Disgrifiad Sain (Wedi Recordio o Flaen Llaw)). 

Mae hyn yn golygu na fydd pobl ag amhariad ar y golwg nac amhariad ar y clyw yn medru cael mynediad llawn at gynnwys y fideo.

Ffeiliau sain 

Nid oes testun amgen gan y rhan fwyaf o ffeiliau sain. Mae hyn yn methu maen prawf 1.2.1 (Sain a Fideo yn Unig (Wedi Recordio o Flaen Llaw)). 

Mae hyn yn golygu na fydd pobl ag amhariad ar y clyw yn medru cael mynediad llawn i gynnwys sain.  

Dogfennau 

Mae nifer o ffeiliau PDF yn methu'r meini prawf llwyddiant. Mae hyn yn bennaf yn effeithio pobl ag amhariad ar y golwg a defnyddwyr allweddell yn unig. 

Nid yw rhai dogfennau wedi'u gosod yn gywir, er enghraifft y defnydd cywir o benawdau. Mae hyn yn methu maen prawf llwyddiant 1.3.1 (Gwybodaeth a Chysylltiadau).

Bydd efallai angen chwyddo rhai dogfennau a bydd felly angen sgrolio o'r chwith i'r de. Mae hyn yn methu maen prawf llwyddiant 1.4.10 (Adlifo). 

Mae'r testun amgen ar gyfer delweddau ar goll mewn rhai dogfennau ac y mae gan rhai dogfennau eitemau addurnol yn unig nad sydd wedi'u labeli'n gywir. Mae hyn yn methu maen prawf llwyddiant 1.1.1 (Cynnwys Nad Sy'n Destun). 

Mae gan rhai dogfennau problemau cyferbyniad lliw sy'n effeithio ar bobl sydd ag amhariad ar y golwg. Mae hyn yn methu maen prawf 1.4.3 (Isafbwynt Cyferbyniad).

Mae'r gwaith i adfer dogfennau PDF a dogfennau eraill yn digwydd ar hyn o bryd. Fe ddylai'r gwaith fod wedi'i gwblhau erbyn canol 2024.  
 

Materion penodol

Am restr bellach o ddiffygion cydymffurfiaeth gwefan benodol gyda'r rheoliadau hygyrchedd, gweler gwybodaeth gwefan-benodol am wefannau'r Llyfrgell.

Baich anghymesur

Nid oes unrhyw faterion wedi eu hadnabod fel baich anghymesur.

Cynnwys nad yw o fewn cwmpas y rheoliadau hygyrchedd

• Mae cyfryngau seiliedig ar amser sydd wedi'u recordio ymlaen llaw, megis fideos YouTube, a gyhoeddwyd cyn 23 Medi 2020 wedi eu heithrio
• Mae dogfennau PDF ac eraill cafodd eu cyhoeddi cyn 23 Medi 2018 nad sy'n hanfodol i ddarparu ein gwasanaethau wedi eu heithrio
• Nid yw'n ofynnol cael capsiynau ar ffrydiau fideo neu sain byw
• Byddwn yn ceisio sicrhau bod unrhyw ddefnydd o fapiau arlein mor hygyrch â phosibl, er nad yw rheoliadau hygyrchedd yn gofyn am hyn

Paratoi'r datganiad hygyrchedd hwn

Paratowyd y datganiad hwn ar 25/10/2020.

Adolygwyd a diweddarwyd y datganiad ar 15/05/2024.

Cynhelir profion rheolaidd yn fewnol gan ddefnyddio axe DevTools a Wave, gyda'r WCAG Colour Contrast Checker. Mae'r profi yn awtomataidd ac â llaw.

Profwyd y gwefannau hyn ddiwethaf yn yr wythnos yn gorffen 15/05/2024.

Adborth a manylion cyswllt

Rydym yn croesawu adborth neu sylwadau sydd yn ein cynorthwyo i wella hygyrchedd ein gwefannau.

Nid yw'r rhestr o faterion yn yn y datganiad hwn yn drwyadl, felly mae croeso i chi gysylltu â'r Gwasanaeth Ymholiadau i drafod unrhyw broblemau neu anghenion penodol.

Yn yr un modd, os hoffech wneud cwyn, mae croeso i chi gysylltu â'r Gwasanaeth Ymholiadau.

Gweithdrefn orfodi

Y Comisiwn Cydraddoldeb a Hawliau Dynol (EHRC) sydd yn gyfrifol am orfodi Rheoliadau Hygyrchedd (Gwefannau a Chymhwysiadau (applications) symudol) (Rhif 2) Cyrff y Sector Cyhoeddus 2018 (y 'rheoliadau hygyrchedd')

Os nad ydych yn fodlon gyda'r modd rydym yn ymateb i'ch cwyn, cysylltwch â Gwasanaeth Cynghori a Chymorth Cydraddoldeb (EASS) drwy'r ddolen isod:

https://www.equalityadvisoryservice.com/