Mae Llyfrgell Genedlaethol Cymru yn un o lyfrgelloedd mawr y byd.
Wedi ei lleoli yn Aberystwyth yn edrych dros Fae hyfryd Ceredigion, mae’n gartref i stori Cymru. Wedi ei hagor yn 1907, mae’r Llyfrgell yn ganolbwynt ymchwil i ddiwylliant a threftadaeth Cymru a’r gwledydd Celtaidd.
Os oes gennych chi unrhyw gwestiynau ynghylch ein casgliadau neu’n gwasanaethau, mae croeso i chi gysylltu â’n Gwasanaeth Ymholiadau yn rhad ac am ddim.
Rydym yn anelu i ateb bob ymholiad o fewn 10 diwrnod gwaith.
Mae Llyfrgell Genedlaethol Cymru yn gorff a ymgorfforwyd gan Siartr Frenhinol, ac mae hefyd yn elusen (rhif cofrestredig: 525775) ac yn Gorff a noddir gan Lywodraeth Cymru (CNLC).
Mae gan y Llyfrgell Fwrdd o Ymddiriedolwyr sy’n llywodraethu drosti. Gallwch ddarllen cofnodion eu cyfarfodydd a gweld aelodaeth y Bwrdd hwn ar ein gwefan.
Gallwch hefyd bori ein prif ddogfennaeth gorfforaethol, a chael gwybodaeth am rai o’r prif ddeddfau yr ydym yn cydymffurfio â hwy.
Prif Weithredwr a Llyfrgellydd y Llyfrgell yw Rhodri Llwyd Morgan. Dysgwch fwy am ei rôl ef, a chyfarwyddwyr y Llyfrgell.