Mae mynediad i'r Llyfrgell am ddim ac mae croeso i deuluoedd. Dewch i ddarganfod ac i ddysgu, i chwarae ac i ymlacio. Mae'r Llyfrgell yma i bawb.
Bydd yr Ystafell Chwarae ar gau i’r cyhoedd ar y dyddiau Mercher canlynol:
25.02.26 — 12pm–3pm
04.03.26 — 12pm–3pm
11.03.26 — 12pm–3pm
18.03.26 — 12pm–3pm
Bydd y gofod yn cael ei ddefnyddio ar gyfer sesiynau caeedig yn ystod yr amseroedd hyn. Diolch am eich dealltwriaeth.
Os ydych chi’n chwilio am rywle i ymweld gyda’ch teulu, does dim angen edrych ymhellach na Llyfrgell Genedlaethol Cymru, Aberystwyth.
Mae Ardal Chwarae yn y Llyfrgell ar gyfer plant o dan 5 oed sydd yn llawn gweithgareddau chwarae sy'n ysgogi synhwyrau ac yn ennyn chwilfrydedd. Byddwch chi yn cael y cyfle i:
Gallwch ddod i ymweld â’r Ardal Chwarae fel teulu, fel grŵp o deuluoedd neu fel Grŵp Meithrin neu Gylch Ti a Fi, ac mae’r cyfan yn rhad ac am ddim. Does dim angen archebu lle ymlaen llaw – dewch i’r Llyfrgell Genedlaethol a dilyn yr arwyddion i’r Ardal Chwarae neu holwch yn y dderbynfa. Mae’r Llyfrgell yn cynnig mynediad hwylus ar gyfer pramiau a chyfleusterau newid cewyn.
Rydym yn cynnal digwyddiadau i blant a theuluoedd yn ystod y gwyliau ysgol. Gallwch weld ein tudalen ddigwyddiadau am y wybodaeth ddiweddaraf.
Mae gweithgareddau am ddim i blant yn rhai o'n hardaloedd arddangos, dewch i ddarganfod.
Mae gan y Llyfrgell gaffi hyfryd. Mae'n gweini brechdanau,paninis, cawl ac ambell bryd ysgafn amser cinio, ac mae amrywiaeth o gacennau cartref blasus ar gael ar gyfer amser te. Ceir hefyd amryw ddiodydd oer a phoeth.
Mae'r caffi wedi ei ailwampio'n ddiweddar, gyda chelfi newydd ac ardal chwarae bychan i blant bach.
Mae'r caffi wedi ei leoli ar y llawr gwaelod, gyda mynediad rhwydd i fygis. Mae cadeiriau uchel ar gael.
Mae toiledau a chyfleusterau newid babi ar gael ar y llawer gwaelod.