Mae datblygiad Llyfrgell Glan-yr-afon hefyd yn cynnwys caffi, hwb cynghori, llyfrgell gyhoeddus a chanolfan gwybodaeth i dwristiaid. Yn yr oriel ceir rhaglen thematig o arddangosfeydd sy'n newid bob 6 mis, ac arddangosfa barhaol am hanes, diwylliant a chwedlau Sir Benfro. Mae'r Llyfrgell Genedlaethol hefyd yn cyflwyno cyfres o ddigwyddiadau yn Llyfrgell Glan-yr-afon ochr yn ochr â'r arddangosfeydd, a rhaglen o weithgareddau addysg.
Mae modd gweld arddangosfeydd o rhai o gasgliadau’r Llyfrgell Genedlaethol mewn oriel yn Hwlffordd sydd yn rhan o bartneriaeth cyffrous rhwng y Llyfrgell a Chyngor Sir Penfro.
Sir Benfro: Ddoe a Heddiw
Arddangosfa barhaol o drysorau'r Llyfrgell Genedlaethol sy'n ymwneud â sir Benfro a'i phobl.
Parhaol
Glan-yr-afon, Hwlffordd
CYFOES: Celf Cymru Heddiw
Mae CYFOES yn arddangos detholiad cyffrous o weithiau celf o Lyfrgell Genedlaethol Cymru, oll wedi’u creu yn ystod y degawd diwethaf. Mae’r arddangosfa yn dathlu ymrwymiad y Llyfrgell i gynwysoldeb ac amrywiaeth, gan amlygu ein hymdrechion diweddar i ehangu a chyfoethogi’r casgliad i adlewyrchu profiadau o bob cymuned a chefndir yng Nghymru. Yn cynnwys gweithiau gan artistiaid ifainc a sefydledig, ac yn ymdrin â dylanwadau modern fel pandemig Covid-19 a themâu fel hunaniaeth, mae CYFOES yn cynnig cipolwg ar fyd bywiog celf gyfoes yng Nghymru.
12 Ebrill 2025 - 11 Hydref 2025
Glan-yr-afon, Hwlffordd