Swyddi

Hoffech chi chwarae rhan wrth gefnogi a datblygu llyfrgelloedd cyhoeddus ar draws Cymru?

Mae cyfle cyffrous wedi codi i ymuno â rôl sy'n cefnogi datblygiad Llyfrgelloedd Cyhoeddus Cymru. Ariannir y swydd hon drwy grant Llywodraeth Cymru, gyda’r nod o gefnogi’r sector i gyflawni datblygiadau strategol ar draws y wlad.

Byddwch wrth galon prosiectau cenedlaethol—yn arwain ac yn cydlynu ffrydiau gwaith sy’n cefnogi twf, arloesedd a chydweithio ar draws y sector llyfrgelloedd, yn unol â Blaenoriaethau ar gyfer Diwylliant. Dyma gyfle i ddefnyddio’ch sgiliau i greu effaith barhaol.

Byddwch yn gweithio’n agos gyda Llywodraeth Cymru, yn ogystal â Chadeirydd ac aelodau Cymdeithas y Prif Lyfrgellwyr (SCL).  

Mae hon yn rôl i rywun sy’n gydweithredol ac yn angerddol am wasanaethau cyhoeddus—rhywun sydd am helpu llyfrgelloedd i esblygu, i gydweithio ac i ffynnu mewn byd sy’n newid yn gyflym.

Bydd deiliad y swydd yn cael ei gyflogi gan Lyfrgell Genedlaethol Cymru, gyda’r hyblygrwydd i weithio’n hybrid neu o bell o unrhyw le yng Nghymru, mewn partneriaeth â’ch gwasanaeth llyfrgell lleol.