Mae amrediad a maint ein casgliadau’n anferth. Mae’r adran hon felly’n rhoi syniad i chi o’r math o gasgliadau sydd gennym. Nid yw’n restr gyflawn o bell ffordd, ond mae’n gyflwyniad bras i chi.
Mae gennym dros 6 miliwn o lyfrau, dros 40,000 o lawysgrifau, dros 1.5 miliwn o fapiau ym mysg llawer iawn o bethau eraill. Rydym yn Lyfrgell Adnau Cyfreithiol sy’n golygu fod hawl gennym i gopi o bobl llyfr a gyhoeddir ym Mhrydain. Ein prif faes casglu yw eitemau’n ymwneud â Chymru a’r gwledydd Celtaidd, ond nid yw ein casgliadau wedi eu cyfyngu i hyn.
Archifau a Llawysgrifau LlGC: Mae’r Catalog hwn yn benodol ar gyfer chwilio’r casgliadau llawysgrifol ac archifol
Mae’n rhaid defnyddio un o’r ddau gatalog yma er mwyn archebu deunydd i’w weld yn ein Hystafell Ddarllen. Cofiwch fod angen i chi ymaelodi â’r Llyfrgell cyn y gallwch archebu deunydd. Cewch fwy o wybodaeth am y broses ar ein tudalen Tocynnau Darllen.
Mae ein arddangosfeydd arlein yn cyflwyno trawsdoriad o eitemau o’n casgliadau.
Dewch i fyd y Mabinogion yn Llyfyr Gwyn Rhydderch, neu mentrwch i'r traeth ar noson olau leuad gydag un o smyglwyr Cymru. Troediwch i Versailles gyda David Lloyd George yn y Rhyfel Byd Cyntaf neu ryfeddwch at y ffotograffau cynharaf o Gymru. Mae stori Cymru yn aros amdanoch.
Gall unrhyw un dros 16 oed gofrestru fel darllenydd er mwyn defnyddio’n Hystafell Ddarllen.
Rhaid cofrestru fel darllenydd er mwyn cael mynediad i'r Ystafell Ddarllen
Mae angen dangos 2 brawf adnabod (un yn nodi cyfeiriad cyfredol) i gael tocyn darllen llawn
Gallwch archebu eitemau o’r casgliadau i'w gweld yn yr Ystafell Ddarllen ar y Prif Gatalog ac Archifau a Llawysgrifau LlGC yn unig.
Mae croeso i chi gysylltu â’n Gwasanaeth Ymholiadau os oes gennych unrhyw gwestiynau am ein casgliadau, sut i'w chwilio neu sut i'w defnyddio.
Mae’r gwasanaeth yn rhad ac am ddim, ac anelwn i ateb bob ymholiad o fewn 10 diwrnod gwaith.