'Dim Celf Gymreig'

16 Tachwedd 2024 - 06 Medi 2025

Oriel Gregynog a’r anecs

Ers yr 1980au mae’r hanesydd celf a churadur yr arddangosfa, Peter Lord, wedi bod yn archwilio'r myth bod 'dim celf Gymreig' gan ddarganfod a chofnodi hanes celf ac artistiaid Cymreig. Mae'r arddangosfa newydd hon yn cyfuno ei gasgliad helaeth ag eitemau o’r Casgliad Celf Genedlaethol yn y Llyfrgell am y tro cyntaf er mwyn adrodd y stori bwysig hon.

Mae casgliad Peter Lord o ddarluniau ac arteffactau Cymreig, nifer ohonynt i’w gweld yn gyhoeddus am y tro cyntaf erioed, yn edrych ar yr honiad a wnaed gan Griffith yn 1950, ac a gadarnhawyd gan sawl un arall ers hynny: “So much for the past. No patron, no critic, therefore no painter, no sculptor, no Welsh Art. It is as simple as that.” Ei gred yw y dylai lluniau gael eu gwerthfawrogi nid yn unig yn weledol ond am yr hyn maen nhw'n ei ddweud am stori'r genedl.

Mae’r arddangosfa'n gyfle prin i fwynhau a gwerthfawrogi dros 250 o weithiau celf o arwyddocâd cenedlaethol. Gyda naratif canolog yn rhedeg trwyddi, mae’r arddangosfa yn dechrau gyda byd gweledol y bonedd, y dosbarth canol a phobl gyffredin Cymru a symud ymlaen wedyn at bortreadau gwahanol o hunaniaethau Cymreig. Trwy hyn, mae’n datgelu stori am gyfoeth diwylliant gweledol Cymru yn ogystal â hanes cymdeithasol a gwleidyddol Cymru.

Mae uchafbwyntiau’r arddangosfa yn cynnwys hunan-bortread o Edward Owen, Penrhos; llun Elizabeth Gwynne, Taliaris gan John Lewis; Marquis of Anglesey gan John Roberts; Tŷ Haf gan Beca (Peter Davies); Valiant Heritage: Harlech Castle at Dusk gan Clara Knight a Vase of Flowers gan Gwen John.

Darganfyddwch ffordd newydd sbon o fwynhau’r arddangosfa gyda’n taith sain , sy’n cynnwys disgrifiadau sain o weithiau allweddol gan ddod â’r celf yn fyw. 

Rhaglen Digwyddiadau

Teithiau oriel misol
1 & 3 pm ar y dyddiau canlynol:
05 Chwefror
05 Mawrth
02 Ebrill
07 Mai
04 Mehefin
02 Gorffennaf
03 Medi
17 Ebrill & 20 Awst: Teithiau sain-ddisgrifiad i'r dall a rhai â nam ar eu golwg

Cyflwyniadau ‘Dan Sylw’
07 Mawrth: Merched mewn Celf Gymreig
23 Ebrill: Noddwyr Celf
20 Mai: Secrets in Art: Reading Pictures, Revealing Meanings
9 Gorffennaf: Art and Poetry - Looking at Afterlives with John Barnie
22 Gorffennaf: Celf, Gwleidyddiaeth a Phrotest
21 Awst: Celf a Hunaniaeth
4 Medi: Golwg ’nôl ar ‘Dim Celf Gymreig’

Sesiynau Celf Gyda’r Nos
Mai: Celf a Geiriau
Mehefin: Dathlu mis Pride trwy gelf 
Gorffennaf: Sesiwn paentio arwydd tafarn

Mae'n bosib archebu tocynnau i'r digwyddiadau hyn ar ein tudalen digwyddiadau