Yn ôl Owain Fôn Williams: 

“Mae arlunio yn help i mi ddianc o hwrlibwrli’r byd pêl-droed. Mae’n therapi i mi. Pan fydda i yn y gôl mi fydda i’n cael fy ngalw’n bob math o enwau gan y dorf o ’nghwmpas. Mae gorfod perfformio’n foddhaol o flaen miloedd o bobl bob wythnos hefyd yn rhoi rhywun dan bwysau. Felly, mae medru dianc ar ôl dod adra i’r cwt peintio ar waelod yr ardd a chodi’r brws yn andros o bwysig i mi. Yno, dwi’n medru cau’r drws ar y byd a’i bethau ac ymlacio’n llwyr.” 

Trafodwch fel grŵp:

• Pam ei bod hi’n bwysig medru dianc ac ymlacio pan fyddwn ni’n teimlo o dan bwysau, yn eich barn chi?
• Beth fyddwch chi’n ei wneud er mwyn ymlacio pan fyddwch chi’n teimlo o dan bwysau?

Yn ôl Owain Fôn Williams: 

“Cael bod yn Ffrainc gyda charfan Cymru yn ystod haf 2016 oedd y profiad mwyaf cyffrous a ges i erioed, heb os.” 

Trafodwch fel grŵp:

• Beth yw’r profiad mwyaf cyffrous i chi ei gael erioed?

Yn ôl Owain Fôn Williams: 

“Roeddwn i wedi bod yn aelod o’r garfan genedlaethol ers rhai blynyddoedd ac roedd hynny’n gwneud i mi deimlo’n browd iawn. Yn fy meddwl i, dyna’r anrhydedd fwyaf roedd yn bosibl i mi ei hennill fel pêl-droediwr proffesiynol... Mae hi wedi bod yn bleser pur bod yn aelod o garfan Cymru. Cymro ydw i a dwi’n barod i wneud unrhyw beth dros fy ngwlad.”

Trafodwch fel grŵp:

• Beth mae’r geiriau hyn yn ei ddeud wrthom ni am Owain fel person a’r hyn sy’n bwysig iddo, yn eich barn chi?
   

Chwarae pêl-droed dros Gymru oedd breuddwyd Owain ers iddo fod yn fachgen bach.

Trafodwch fel grŵp:

• Beth yw breuddwyd neu uchelgais pob aelod o’r grŵp? Beth fydd yn rhaid i chi wneud er mwyn gwireddu’r freuddwyd neu’r uchelgais honno, yn eich barn chi?
   

Yn ôl Owain Fôn Williams: 

“Erbyn diwedd ymgyrch Ewro 2016 mi wnaeth nifer o’r hogia eraill ddweud gair neu ddau yn y Gymraeg ar y cyfryngau. Doedden nhw erioed wedi gwneud hynny o’r blaen. Ond i mi, roedd hyn yn dangos pa mor browd yr oeddan nhw o gynrychioli eu gwlad a’u bod nhw am ddathlu eu Cymreictod ar bob lefel bosibl.”

Trafodwch fel grŵp:

• Pa mor bwysig yw hi bod chwaraewyr tîm pêl-droed yn dangos eu bod nhw’n falch o’u Cymreictod ac yn ceisio siarad cymaint â phosibl o Gymraeg, yn eich barn chi? Ydyn nhw’n fodelau rôl pwysig, yn hyn o beth? Pam?
   

Yn ôl Owain Fôn Williams: 

“Dwi wedi dysgu, beth bynnag fo’r her sydd yn ein hwynebu, trwy waith caled, cydweithio a chyd-dynnu mae’n bosib cyflawni unrhyw beth.”

Trafodwch fel grŵp:

• Ydych chi’n cytuno â’r geiriau hyn?
• Allwch chi feddwl am enghraifft o adeg pan rydych chi wedi gorfod gweithio’n galed, cydweithio a/ neu gyd-dynnu er mwyn cyflawni rhywbeth heriol?
• Sut oeddech chi’n teimlo ar ôl llwyddo?

Yn ôl Owain Fôn Williams: 

“Mae carfan Cymru yn wahanol. Nid criw o bobl ydan ni sy’n digwydd chwarae pêl-dreod gyda’n gilydd. Rydyn ni’n fêts ac wedi bod felly ers blynyddoedd lawer.”

Trafodwch fel grŵp:

• Pa mor bwysig oedd y ffaith fod aelodau carfan Cymru yn gymaint o ffrindiau, yn eich barn chi? Sut wnaeth hyn ddylanwadu ar eu llwyddiant nhw ym mhencampwriaeth Ewro 2016?
   

Yn ôl Owain Fôn Williams: 

“Mae ymlacio yn hollbwysig i chwaraewr proffesiynol ymhob maes. Mae cael seibiant o’r holl ymarfer corfforol bron mor bwysig â’r ymarfer ei hun. Mae’n bwysig teimlo’n ffres wrth fynd i ymarfer a chwarae mewn gêm.” 

Trafodwch fel grŵp:

• Ydych chi’n cytuno bod ymlacio yn bwysig i chwaraewyr proffesiynol? Pam?
• Beth fyddwch chi’n hoffi ei wneud er mwyn ymlacio? 
   

Yn ôl Owain Fôn Williams: 

“Pan oeddwn i’n fach roedd gen i ddau obsesiwn. Y cynta, wrth gwrs, oedd pêl-droed, a’r ail oedd arlunio.” 

Trafodwch fel grŵp:

• Beth ydych chi hoffi ei wneud yn fwy na dim arall yn y byd? Pam? Sut ydych chi’n teimlo pan fyddwch chi’n cael cyfle i wneud eich hoff beth??          
   

Yn ôl Owain Fôn Williams: 

“Un o gryfderau tîm Cymru yn ymgyrch Ewro 2016 oedd y ffaith nad oedd yr hogia byth yn barod i roi fyny.”

Trafodwch fel grŵp:

• Pa mor bwysig yw dyfalbarhad â pheidio ag ildio, yn eich barn chi? Allwch chi feddwl am adeg pan rydych chi wedi gorfod dangos dyfalbarhad er mwyn llwyddo?

Trafodwch fel grŵp:

• Beth yw rhinweddau rheolwr neu gapten da, yn eich barn chi?

Roedd portreadau Owain Fôn Williams o Gareth Bale, Ashley Williams a Chris Coleman yn rhan o’i arddangosfa ‘Arwyr’

Trafodwch fel grŵp:

• Beth sy’n gwneud ‘arwr’, yn eich barn chi?
• Pwy yw eich arwr chi?
   

Trafodwch fel grŵp:

• Beth mae dyfyniadau Owain Fôn Williams i gyd-fynd âi bortreadau o Gareth Bale, Ashley Williams a Chris Coleman yn ei ddweud wrthoch chi am ei berthynas â’r tri a’i agwedd tuag atynt?