“Am ddyn, ac am arweinydd. Y gorau i fi ei weld erioed. Pan fydda i’n meddwl am yr hyn mae capten yn ei olygu, bydda i’n meddwl am Ashley Williams. Mae’r ffordd mae o’n ymddwyn ar ac oddi ar y cae, a’r berthynas sydd ganddo gyda’r chwaraewyr a’r staff, yn arbennig. Mae o wedi bod fel craig i ni gyd, trwy bopeth. Byddai o’n gwneud unrhyw beth drosom ni a gallwch chi ddibynnu ar Ash. Fel chwaraewr ac fel cefnogwr, bydd fy nyled yn enfawr i’r dyn hwn am bopeth a wnaeth dros Gymru. Enillydd drwyddi draw, ac athrylith yng nghrys Cymru.”
Owain Fôn Williams
Enw llawn: Ashley Errol Williams
Dyddiad geni: 23 Awst 1984
Man geni: Wolverhampton, Lloegr
Taldra: 1.83m
Safle: Amddiffynnwr
Clybiau pêl-droed: Tamworth, West Bromwich Albion (ieuenctid), Hednesford Town, Stockport County, Abertawe, Everton, Stoke City, Bryste
Nifer o gapiau dros dîm cyntaf Cymru: 86
Nifer o goliau dros Gymru: 2
| Mae Ashley Williams yn hanu o dras Jamaicaidd ar ochr ei dad a thras Cymreig ar ochr ei fam. |
| Er iddo gael ei eni a’i fagu yn Lloegr, roedd Ashley Williams yn gymwys i chwarae i Gymru oherwydd bod ei dad-cu ar ochr ei fam yn dod o’r Rhondda yn ne Cymru. |
| Pan oedd Ashley Williams yn blentyn, roedd yn cefnogi clwb pêl-droed Lerpwl, a’i hoff chwaraewr oedd John Barnes. |
| Chwaraeodd Ashley Williams ei gêm gyntaf dros Gymru ym mis Mawrth 2008. |
| Pan oedd Ashley Williams yn chwarae i glwb Hednesford Town, roedd yn rhaid iddo weithio mewn sawl lle – yn cynnwys gorsaf betrol, fel gweinydd mewn bwyty, ac ym mharc antur Drayton Manor – er mwyn ennill arian i’w gynnal ei hun. |
| Chwaraeodd Ashley Williams ei gêm gyntaf fel capten tîm pêl-droed Cymru ar 14 Tachwedd 2009. |
| Ashley Williams oedd capten tîm pêl-droed Cymru pan gyrhaeddon nhw rownd gynderfynol pencampwriaeth Ewro 2016 yn Ffrainc. |
| Fe sgoriodd Ashley Williams gôl enwog i Gymru yn erbyn Gwlad Belg yn rownd gogynderfynol pencampwriaeth Ewro 2016, pan enillodd Cymru o 3 gôl i 1. |
| Chwaraeodd Ashley Williams ei gêm olaf dros Gymru ym mis Mehefin 2019. |
| Mae Ashley Williams yn un o noddwyr sefydliad Street Football Wales, sy’n rhoi cyfleoedd i bobl ddigartref i chwarae pêl- droed. |
Eitemau sy'n berthnasol i hanes timau Pêl-droed Cymru
Porwch dewis o glipiau chwaraeon o Archif Ddarlledu Cymru
Dewch i ddarganfod mwy am Gymry enwog o’r gorffennol.