Symud i'r prif gynnwys
  1. Hafan
  2. Darganfod & Dysgu
  3. Addysg
  4. Adnoddau dysgu
  5. Owain Fôn Williams: Arlunydd a Phêl-droediwr

Chris Coleman

Paentiad o Chris Coleman gan Owain Fôn Williams
Diolch Chris gan Owain Fôn Williams

“Roedd pawb yn y garfan yn teimlo’n agos at Chris Coleman, er mai fo oedd y bos, sy’n beth rhyfedd mewn pêl-droed. Roedd ganddo’r ddawn o fedru bod yn ffrind i chi, ac yn fos arnoch chi, a pharhau i gynnal y parch gan bawb. Fe ddysgais i gymaint o’i wylio fo dros y blynyddoedd y bum yn gweithio efo fo, a does dim syndod ein bod ni wedi profi’r mwyaf o lwyddiant fel cenedl â fo wrth y llyw. Byddwn yn ddiolchgar i’r dyn hwn am byth. Diolch, Chris.”

Owain Fôn Williams

Ymateb i'r portread

Cynnwys
  • Beth ydych chi’n ei weld yn y darlun?
  • Pwy yw’r person yn y darlun?
  • Beth mae’r person yn ei wneud?
  • Ydy’r person yn dangos teimlad neu emosiwn? Beth mae hyn yn ei ddweud amdanyn nhw?
  • Meddyliwch am ansoddeiriau addas i ddisgrifio’r darlun.
  • Sut mae’r darlun yn gwneud i chi deimlo?
Arddull
  • Ydy’r arlunydd yn defnyddio lliwiau cryf a llachar neu liwiau tawel?
  • Ydy’r arlunydd yn defnyddio teuluoedd o liwiau?
  • Ydy’r dewis o liwiau yn helpu i gyfleu awyrgylch neu deimlad?
  • Ydy’r arlunydd yn defnyddio amlinell? Ydy’r amlinell yn ddu neu yn lliw arall? Ydy’r amlinell yn gryf ac yn gyson neu’r fwy amrywiol?
  • Ydy arddull yr arlunydd yn realistig, yn ddychmygus, yn syml, yn fanwl, yn brysur, yn gyffrous?

Ffeil ffeithiau Chris Coleman

Enw llawn: Christopher Patrick Coleman 
Dyddiad geni: 10 Mehefin 1970 
Man geni: Abertawe, Cymru 
Taldra: 1.88m 
Safle: Fel arfer yn amddiffynnwr, weithiau yn flaenwr 
Clybiau pêl-droed fel chwaraewr: Manchester City (ieuenctid), Abertawe, Crystal Palace, Blackburn Rovers, Fulham 
Nifer o gapiau fel chwaraewr i dîm cyntaf Cymru: 32 
Nifer o goliau i Gymru: 4 
Clybiau a thimau pêl-droed fel rheolwr: Fulham, Real Sociedad, Coventry City, AEL, Sunderland, Hebei China Fortune, Atromitos, AEL Limassol, Cymru 
Nifer o gemau fel rheolwr Cymru: 50

Oeddech chi’n gwybod?

Roedd tad Chris Coleman yn Wyddel o Ddulyn yn Iwerddon. Roedd Chris felly’n gymwys i chwarae pêl-droed dros Weriniaeth Iwerddon yn ogystal â Chymru.

Llysenw Chris Coleman ers ei fod yn fachgen bach yw ‘Cookie’.

Mae Chris Coleman yn briod â chyflwynwraig teledu o’r enw Charlotte Jackson.

Chwaraeodd Chris Coleman dros Gymru 32 o weithiau rhwng 1992 a 2002, gan sgorio 4 gôl.

Gorfod i Chris Coleman roi’r gorau i chwarae pêl-droed yn broffesiynol pan oedd yn 32 oed ar ôl iddo dorri ei goes mewn damwain car.

Daeth Chris Coleman yn reolwr ar dîm pêl-droed Cymru yn 2012 yn dilyn marwolaeth y rheolwr blaenorol, Gary Speed.

Chris Coleman oedd rheolwr tîm pêl-droed Cymru pan gyrhaeddon nhw rownd gynderfynol pencampwriaeth Ewro 2016. Dyma oedd y tro cyntaf i Gymru gystadlu mewn prif dwrnamaint pêl-droed ers Cwpan y Byd FIFA yn 1958.

Cafodd Chris Coleman ei anrhydeddu â Rhyddid Dinas Abertawe ym mis Hydref 2016.

Rhoddodd Chris Coleman y gorau i’w swydd fel rheolwr tîm pêl-droed Cymru ym mis Tachwedd 2017.

Ymddangosodd Chris Coleman ar y rhaglen Iaith ar Daith ar S4C ym mis Mawrth 2021 er mwyn rhoi cynnig ar ddysgu Cymraeg.

Adnoddau cysylltiedig

Timau Pêl-droed Cymru

Timau Pêl-droed Cymru

Eitemau sy'n berthnasol i hanes timau Pêl-droed Cymru

Clip Cymru: clipiau chwaraeon o BBC Cymru Wales

Clip Cymru: clipiau chwaraeon o BBC Cymru Wales

Porwch dewis o glipiau chwaraeon o Archif Ddarlledu Cymru

enwogion.cymru

enwogion.cymru

Dewch i ddarganfod mwy am Gymry enwog o’r gorffennol.

Rhowch eich barn

Llenwch ein holiadur byr fel y gallwn ddefnyddio'ch sylwadau i wella ein gwasanaethau.

Danfonwch eich sylwadau

Cefnogwch ni trwy gyfrannu

Diogelu Cof y Genedl

Sefydlwyd y Llyfrgell gan roddion pobl Cymru, a gyda'n gilydd gallwn barhau'r traddodiad. Cyfrannwch i warchod ein treftadaeth i genedlaethau'r dyfodol. Bydd pob rhodd yn gwneud gwahaniaeth.