Cynefin: Cymru ddiwylliannol ac ethnig amrywiol

Mae Cymru yn gymdeithas amlddiwylliant sy'n cynnwys nifer o ethnigrwyddau, ieithoedd a chrefyddau. Mae ganddi hanes hir a chyfoethog o amrywiaeth, gan ei bod yn gartref i un o'r cymunedau hynaf o bobl Ddu yn Ewrop, ac mae ei datblygiad, ei hymdrechion i greu cyfoeth, ei hysbryd a'i chysylltiadau rhyngwladol yn adlewyrchu cyfraniadau cryf gan gymunedau lleiafrifol ddoe a heddiw. Mae hanes a datblygiad Cymru yn y byd yn hanes amlhaenog sy'n cynnwys enghreifftiau o wrthdaro ac undod a chlymbleidiau, ac o bobloedd yn mudo ac yn cyfrannu mewn ffordd fuddiol. Mae hanes Cymru yn darparu'r cyd-destun ar gyfer meithrin gwybodaeth ac mae'n galluogi dysgwyr i greu cysylltiadau rhwng eu profiadau cyfoes o gysylltiadau lleol, cenedlaethol a byd-eang. Mae hanes Cymru yn hanes o wahaniaeth ac amrywiaeth. Nid yw amrywiaeth ethnig yn fygythiad i Cymru, ond yn hytrach, yn rhan o'i chymeriad hanesyddol. Mae deall hynny yn hanfodol i hunaniaeth dysgwyr. Dylai cydnabod hyn helpu pawb i deimlo eu bod yn perthyn i Gymru. 

(Dyfyniad o Adroddiad Llywodraeth Cymru - Gweithgor Cymunedau, Cyfraniadau a Chynefin Pobl Ddu, Asiaidd ac Ethnig Leiafrifol yn y Cwricwlwm Newydd, Mawrth 2021)

Gall yr adnoddau dysgu ar y dudalen yma helpu athrawon a dysgwyr i:

• Fod yn ymwybodol o’r amrywiol bobl, diwylliannau, a chymunedau sy’n byw yng Nghymru.
• Ymchwilio hunaniaeth yng Nghymru.
• Gweld Cymru fel cymdeithas ddiwylliannol amrywiol.
• Dysgu am unigolion o gefndiroedd ethnig amrywiol yng Nghymru.

• Beth mae'n ei olygu i fod yn Gymro/Gymraes neu o Gymru?
• Beth yw amrywiaeth ddiwylliannol?
• A oes cymunedau amrywiol yn eich ardal?

• Creu fideo o'ch cynefin gan gynnwys y gwahanol gymunedau yn eich ardal.
• Gweithgaredd glôb eira
• Ymgysylltu â grŵp cymunedol yn eich ardal.
• Cysylltu â theuluoedd - cynnal noson amlddiwylliannol.
• Defnyddio gwybodaeth ddiwylliannol, safbwyntiau a sgiliau dysgwyr fel adnodd ar gyfer addysgu.
• Cysylltu ag ysgol mewn rhan arall o Gymru. Gallai dysgwyr anfon llythyrau, e-byst, a fideos i ddysgu mwy am eu cynefin tra hefyd yn dysgu mwy am ardal wahanol o Gymru.
• Chwilio am fapiau, papurau newydd, fideos a chyfnodolion o gasgliad y Llyfrgell i gael rhagor o wybodaeth am eich ardal.

(sy'n deillio o'r datganiadau o'r hyn sy'n bwysig)

Dyniaethau

• Deall Syniadau a Safbwyntiau
• Pwysigrwydd cymdeithasol a diwylliannol
• Hunaniaeth
• Deall hawliau dynol
• Deall y gorffennol
• Cyfraniad at gymdeithas
• Tebygrwydd a gwahaniaethau cymdeithasol