O Gymru i’r Byd: Hanes Neges Heddwch ac Ewyllys Da’r Plant, 1922-1972

Mae Prifysgol Abertawe a Llyfrgell Genedlaethol Cymru yn falch o gyhoeddi bod ysgoloriaeth ymchwil sydd wedi’i hariannu’n llawn ar gael o fis Hydref 2024 o dan Gynllun Partneriaeth Ddoethurol Gydweithredol yr AHRC.

Bob blwyddyn yn ddi-ffael ers 1922, mae neges Heddwch ac Ewyllys Da wedi cael ei darlledu i’r byd yn enw plant Cymru.   Gan ddatblygu mewn ymateb i drais y Rhyfel Byd Cyntaf ac i gefnogi heddwch rhyngwladol, darlledwyd y Neges Ewyllys Da yn fyd-eang ac fe ysgogodd ymatebion gan bobl ifanc mewn gwledydd ledled y byd.  Mae’r prosiect cydweithredol arloesol hwn yn rhoi blaenoriaeth i bobl ifanc a bydd yn manteisio ar gasgliadau cyfoethog Llyfrgell Gendlaethol Cymru i ymchwilio hanner can mlynedd cyntaf Neges Ewyllys Da (1922-1972) yn systematig.  

Mae’r dyfarniad AHRC yn talu ffioedd dysgu hyd at werth y gyfradd gartref amser llawn UKRI ar gyfer graddau doethuriaeth a chynhaliaeth lawn i bob myfyriwr. Yr Isafswm Cyflog Doethurol Cenedlaethol ar gyfer 2024/25 yw £19, 237 (yn codi yn unol ag UKRI) ynghyd â thaliad cynnal a chadw CDP o £600 y flwyddyn. 

Bydd disgwyl i'r myfyriwr llwyddiannus dreulio amser ym Mhrifysgol Abertawe a Llyfrgell Genedlaethol Cymru. 

Mae’r gallu i ddarllen y Gymraeg yn ofynnol ar gyfer yr ysgoloriaeth ymchwil yma.   Ni fyddai’r myfyriwr yn cael ei gyflogi fel aelod o staff Llyfrgell Genedlaethol Cymru.

Dyddiad cau:  Rhaid cyflwyno ceisiadau erbyn 5pm BST ar 13 Mai 2024.  
 
Sut i wneud cais: Gwnewch gais ar-lein ar gyfer y prosiect hwn drwy System Ymgeisio Prifysgol Abertawe (swansea.ac.uk).