Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Mae'r Pasg yn un o wyliau pwysicaf y calendr Cristnogol. Mae'n coffáu atgyfodiad Iesu Grist ar y trydydd dydd wedi ei farwolaeth.
Mae'r Ŵyl Ban Geltaidd yn ŵyl o gerddoriaeth, dawns a chwaraeon a gynhelir yn flynyddol yn Iwerddon. Cynhaliwyd yr ŵyl gyntaf yn Swydd Kerry gyda’r nod o feithrin a hyrwyddo ieithoedd y gwledydd Celtaidd. Mae Cymru wedi cael ei chynrychioli yn yr ŵyl ers ei sefydlu yn 1971.
Mae Diwrnod Iechyd y Byd yn ddiwrnod ymwybyddiaeth iechyd byd-eang sy'n cael ei ddathlu'n flynyddol. Mae'n cael ei hyrwyddo a'i noddi'n bennaf gan y Sefydliad Iechyd y Byd a sefydliadau eraill sy'n ymwneud ag iechyd.
Mae'r Eglwys Uniongred yn galw Diwrnod y Pasg yn Pascha.Mae'n cael ei ddathlu wrth gyflawni proffwydoliaeth Meseia a'i atgyfodiad oddi wrth y meirw.
Yn 1699 yn Anandpur Sahib, sefydlodd Guru Gobind Singh y Khalsa Panth. Mae'n diffinio grŵp o bobl sy'n ymarfer Sikhaeth yn ogystal â grŵp arbennig sydd wedi'u derbyn i'r ffydd.
Mae Diwrnod Jazz Rhyngwladol yn ddiwrnod rhyngwladol sy'n cael ei ddathlu'n flynyddol ledled y byd.Yn ddathiad ogerddoriaeth jazmae'n codi ymwybyddiaeth o sut mae cerddoriaeth yn dod â phpbl ynghyd heddwch, undod a chariad.
Mae Vesak yn ŵyl sy'n cael ei nodi gan Fwdhyddion mewn sawl rhan o'r byd. Fe'i gelwir hefyd yn Bwdha Jayanti, Bwdha Purnima, Diwrnod Bwdha. Dyma'r ŵyl Fwdhaidd bwysicaf yn y calendr, ac mae addurno a rhoi offrymau yn y deml yn rhan ohoni.
Mae Diwrnod Rhyngwladol y Gweithwyr ,a elwir hefyd yn Ddiwrnod Llafur, yn cael ei ddathlu'n flynyddol ar y diwrnod hwn. Mae'n coffáu cyfraniadau a brwydrau'r dosbarth gweithiol. Defnyddir y diwrnod hwn hefyd i godi ymwybyddiaeth o faterion sy'n ymwneud â gwaith megis iechyd a diogelwch, cyflogau teg ac amgylchedd gwaith ffafriol.
Mae Deuddegfed Dydd Ridván yn un o wyliau pwysig af y Ffydd Bahá'í. Mae’n dathlu dechrau’r ffydd yn 1863 a’r datganiad gan Baha’u’llah fel amlygiad o Dduw.
Mae Diwrnod y Groes Goch/Cilgant Coch y Byd yn ddathliad blynyddol i anrhydeddu'r sefydliad a'i gyfraniadau dyngarol yn fyd-eang. Mae hefyd er anrhydedd i'w sylfaenydd, Jean-Henri Dunant, a aned ar y diwrnod hwn yn 1828.