Symud i'r prif gynnwys
  1. Hafan
  2. Am LlGC
  3. Gweithio gyda ni
  4. Cefnogwch ni a Chyfrannwch

Mae Cyfeillion Llyfrgell Genedlaethol Cymru yn elusen annibynnol (Rhif Elusen Gofrestredig 1100010) a sefydlwyd i gefnogi cenhadaeth Llyfrgell Genedlaethol Cymru. Ei hamcanion yw hyrwyddo addysg, gwybodaeth a dealltwriaeth y cyhoedd trwy hyrwyddo, cefnogi, cynorthwyo a gwella Llyfrgell Genedlaethol Cymru trwy weithgareddau grŵp o ffrindiau.

Ffurfiwyd Cyfeillion Llyfrgell Genedlaethol Cymru yn 1960 ac ers hynny maent wedi gwneud cyfraniad sylweddol a pharhaus i’n treftadaeth genedlaethol yng Nghymru. Gwerthfawrogwn gefnogaeth ein Cyfeillion yn fawr, ac mae croeso cynnes i aelodau newydd. Gan ddod yn Gyfaill byddwch chi'n ymuno â grŵp anhygoel o roddwyr sy'n rhannu eich hangerdd am wybodaeth a threftadaeth Gymreig.

Mae ein Cyfeillion yn ein helpu i ddatgloi casgliadau, gan ddarparu mynediad i bawb i'n trysorau.

 

Fel Cyfaill, byddwch yn elwa o:

 

  • Mynediad unigryw i raglen o ddigwyddiadau gan guraduron a gwesteion arbennig eraill

  • Gwahoddiadau i agoriadau arddangosfeydd a digwyddiadau eraill Llyfrgell Genedlaethol Cymru

  • Cymdeithasu â grŵp o gefnogwyr sy’n rhannu’r un dyhead i gyfrannu at ddyfodol treftadaeth Cymru

  • Gostyngiad o 10% yn siop Llyfrgell Genedlaethol Cymru (mae rhai eithriadau yn berthnasol)

 

Byddwn yn rhoi’r wybodaeth ddiweddaraf am y gwahaniaeth y mae eich cefnogaeth wedi’i wneud i gasglu, diogelu a darparu mynediad i fwy o drysorau cenedlaethol Cymru.

Rhaglen ddigwyddiadau ar gyfer aelodau yn 2025

19 Chwefror 2025 am 1.00pm, Drwm & ar-lein, LlGC
“Tales from the Great Houses of Crickhowell” Elizabeth Siberry

Digwyddiad trwy gyfrwng y Saesneg

30 Ebrill 2025 am 1.00pm, Arddangosfa Uwch Gyntedd, LlGC
Taith o amgylch arddangosfa Byd Bach Aber Bruce Cardwell gyda Wil Troughton

Digwyddiad trwy gyfrwng y Saesneg

14 Mai 2025 am 1.00pm, Drwm & ar-lein, LlGC
“Radio Times: P H Burton and the BBC” Angela V John

Digwyddiad trwy gyfrwng y Saesneg

6 Awst 2025 am 1.30pm, Stondin LlGC yn Eisteddfod Genedlaethol Cymru, Wrecsam
Digwyddiad y Cyfeillion yn yr Eisteddfod

Digwyddiad trwy gyfrwng y Gymraeg

1 Hydref 2025 am 1.00pm, Ystafell y Cyngor & Ar-lein, LlGC
Sgwrs gyda churaduron y Llyfrgell

Digwyddiad trwy gyfrwng y Gymraeg gydag opsiwn cyfieithu ar y pryd

10 Rhagfyr 2025 am 1.00pm, Oriel Gregynog, LlGC
Taith o gwmpas yr arddangosfa diweddaraf

Digwyddiad trwy gyfrwng y Gymraeg gydag opsiwn cyfieithu ar y pryd

Ymuno fel aelod

I ddod yn aelod o Gyfeillion Llyfrgell Genedlaethol Cymru, llenwch y ffurflen isod ac anfonwch hi at cyfeillion@llgc.org.uk neu at:


Gwenda Sippings

Cadeirydd Cyfeillion Llyfrgell Genedlaethol Cymru  

Llyfrgell Genedlaethol Cymru

Aberystwyth  

Ceredigion

SY23 3BU 

Math o Aelodaeth

Isafswm cyfraniad blynyddol a awgrymir

Unigol

£25

Ar y cyd

£40

Myfyriwr

£5

Prosiectau diweddar a ariennir gan Gyfeillion Llyfrgell Genedlaethol Cymru

  • Parhau i gefnogi’r Strategaeth Tlodi Plant, sydd wedi galluogi plant o lawer o ysgolion i ddod i’r Llyfrgell am ddim. 

  • Cefnogaeth Gwirfoddoli o fewn y Llyfrgell, sydd wedi helpu pobl i gymryd rhan mewn llawer o brosiectau cyffrous a gwerth chweil.

  • Cyfrannu er mwyn gwireddu amcanion Strategaeth Tlodi Plant y Llyfrgell a rhai agweddau o brosiect 'Llawysgrif Boston'.

  • Cyfrannu at adnewyddu Caffi Pen Dinas, creu ffacsimili o Lyfr Aneirin a phrynu llythyr gan Dylan Thomas at Augustus John yn 1945.

Datganiad Preifatrwydd Cyfeillion Llyfrgell Genedlaethol Cymru

Ymunwch â'r Cyfeillion

Rhowch eich barn

Llenwch ein holiadur byr fel y gallwn ddefnyddio'ch sylwadau i wella ein gwasanaethau.

Danfonwch eich sylwadau

Cefnogwch ni trwy gyfrannu

Diogelu Cof y Genedl

Sefydlwyd y Llyfrgell gan roddion pobl Cymru, a gyda'n gilydd gallwn barhau'r traddodiad. Cyfrannwch i warchod ein treftadaeth i genedlaethau'r dyfodol. Bydd pob rhodd yn gwneud gwahaniaeth.