Symud i'r prif gynnwys
  1. Hafan
  2. Catalogau & Chwilio
  3. Am ein casgliadau
  4. Darluniau

Mae'r casgliad peintiadau a lluniadau yn cynnwys ymysg pethau eraill:

  • 4000 o eitemau mewn ffrâm

  • 8000 eitem wedi eu mowntio

  • Dros 500 o Lyfrau Lluniadu (Drawing Volumes) 

Gwaith cyfoes

Mae’r gwaith cyfoes yn cynnwys arlunwyr fel

  • Augustus John
  • Gwen John
  • David Jones
  • Evan Walters
  • John Elwyn
  • Brenda Chamberlain
  • John Piper
  • Claudia Williams
  • Gwilym Prichard 

Arlunwyr Gwlad

Mae'r casgliad celf hefyd yn cynnwys gwaith gan arlunwyr brodorol mwy traddodiadol megis

  • Casgliad o bortreadau gan William Roos
  • Hugh Hughes arlunydd portreadau â noddwyd gan y dosbarth canol yng Nghymru yn ystod 19eg ganrif
  • Y Parchedig Evan Williams
  • Y Parchedig Robert Hughes, Uwchlaw’r Ffynnon, Llŷn a ddechreuodd beintio yn 50 oed

Casgliad dyfrliwiau

Darganfuwyd Cymru am y tro cyntaf gan lawer o artistiaid blaenllaw yn ail hanner y 18fed ganrif. Adlewyrchir hyn yng nghasgliad dyfrliwiau’r Llyfrgell sydd yn cynnwys gwaith:

  • Samuel Hieronymus Grimm a deithiodd drwy Gymru yn 1777 gan lunio ei olygfeydd Cymreig
  • Thomas Pennant, Downing, Sir y Fflint, a gyhoeddodd hanes ei deithiau yng Nghymru a’r Alban 1772-1796. Gwelir copiau ysblennydd o’i gyfrolau yn y casgliad wedi eu darlunio gan Moses Griffith a John Ingleby
  • Teithiodd Richard Colt-Hoare yn 1791 gan gofnodi safleoedd o ddiddordeb hynafol
  • Cynnyrch ei deithiau yw lluniau Cymreig Thomas Rowlandson 1797
  • John “Warwick” Smith, llywydd ‘The Old Watercolour Society’, a deithiodd yn rheolaidd drwy Gymru 1784-1804.  Ceir dros 150 o’i luniau yn y casgliad

Peintiadau gan feistri

  • J M W Turner, (Melin Aberdulais a Chastell Dolbadarn) ymwelydd cyson â Chymru yn ystod ei yrfa
  • Richard Wilson, arlunydd tirlun hynod bwysig a ddylanwadodd ar Turner a Constable
  • Thomas Gainsborough, arlunydd tirlun a phortreadau enwog o’r 18fed ganrif
  • Thomas Jones Pencerrig arlunydd tirluniau Cymreig o gryn dalent, disgybl i Wilson
  • James Ward, arlunydd rhamantus o Loegr

Kyffin Williams

Mae casgliad helaeth iawn o’i waith yn y Llyfrgell gan gynnwys ei beintaidau o Gymru, y Wladfa, darluniadau i’w lyfrau a caricatures.

Mynediad i'r casgliad celf

Gallwch chwilio'r casgliadau celf trwy Gatalog y Llyfrgell. 

Ddim yn chwilio am rywbeth penodol? Beth am fwynhau pori trwy rai o'r eitemau wedi eu digido yn ein harddangosfeydd darluniau digidol.

Rhowch eich barn

Llenwch ein holiadur byr fel y gallwn ddefnyddio'ch sylwadau i wella ein gwasanaethau.

Danfonwch eich sylwadau

Cefnogwch ni trwy gyfrannu

Diogelu Cof y Genedl

Sefydlwyd y Llyfrgell gan roddion pobl Cymru, a gyda'n gilydd gallwn barhau'r traddodiad. Cyfrannwch i warchod ein treftadaeth i genedlaethau'r dyfodol. Bydd pob rhodd yn gwneud gwahaniaeth.