Symud i'r prif gynnwys
  1. Hafan
  2. Catalogau & Chwilio
  3. Am ein casgliadau
  4. Adnau cyfreithiol

Nid yw Archif We y Deyrnas Gyfunol ar gael ar hyn o bryd

Darllenwch ein blog Archif We y Deyrnas Gyfunol ar gyfer diweddariadau ar fynediad, gwybodaeth ar archifau gwe eraill, a ble i ddod o hyd i ragor o wybodaeth ynglŷn â beth sydd yn Archif We y Deyrnas Gyfunol.

Rydym yn parhau i archifo gwefannau’r Deyrnas Gyfunol, ac yn gallu ychwanegu gwefannau newydd i’n proses derbyn, gan sicrhau bod Archif We y Deyrnas Gyfunol yn cael ei diweddaru a’i chadw. Gwneir hyn o dan ddeddfwriaeth adnau cyfreithiol y Deyrnas Gyfunol.

Mae’r ymysodiad seibr yn parhau i amharu ar y Llyfrgell Brydeinig ac rydym yn gweithio’n galed er mwyn adfer gwasanaethau. Disgwylir i amharu ar rai gwasanaethau barhau am beth amser.

Os oes gennych unrhyw gwestiynau ynglŷn ag Archif We y Deyrnas Gyfunol, neu am enwebu gwefan i’w harchifo, cysylltwch â web-archivist@bl.uk.

Porwch a chwiliwch drwy gynnwys arlein o'r DU gan ddefnyddio teclyn mynediad Archif We y Llyfrgelloedd Adnau Cyfreithiol yn Llyfrgell Genedlaethol Cymru.

Mae’n cynnwys miliynau o safleoedd o barth ‘.uk’ a llawer mwy o rai eraill yn seiliedig yn y DU, lle mae llyfrgelloedd adnau cyfreithiol y DU yn medru cynhaeafu drwy chwilio’r holl barthau.

Pwy sydd â mynediad?

Mae unrhyw un sydd â thocyn darllen LLGC yn medru cael mynediad i'r archif gwefannau o gyfrifiaduron yn Ystafell Ddarllen y Llyfrgell.

Dalier sylw: Pan mae gwefan neu adnodd yn cael ei ddefnyddio trwy’r teclyn, mae mynediad yn cael ei gloi i un defnyddiwr ar y system.

Lle mae perchennog gwefan wedi caniatáu i'r Llyfrgell, mae mynediad ar gael i’r cyhoedd trwy wefan agored yr Archif Gwefannau.

Chwilio gwefannau wedi eu harchifo

Mae chwiliad testun llawn ar gael ar gyfer gwefannau wedi eu harchifo. Mae tab ar gyfer awgrymiadau chwilio yn rhoi cyfeirnod cyflym i gystrawen ymholiad.

Gallwch hidlo’r canlyniadau yn awtomatig drwy ddefnyddio termau wedi’u mynegeio, e.e. enw parth neu fformat.

Telerau defnyddio

Mae mwyafrif y gwefannau ar yr Archif Gwefannau o dan amodau hawlfraint.S

Mae’n rhaid i chi ddarllen a derbyn yr amodau hawlfraint ac amodau eiddo deallusol cyn y gallwch ddefnyddio’r adnodd mynediad i wefannau. Mae’r amodau yn cynnwys cyngor ar argraffu copïau o dudalennau’r we sydd wedi’u harchifo.

Dolenni perthnasol

Rhowch eich barn

Llenwch ein holiadur byr fel y gallwn ddefnyddio'ch sylwadau i wella ein gwasanaethau.

Danfonwch eich sylwadau

Cefnogwch ni trwy gyfrannu

Diogelu Cof y Genedl

Sefydlwyd y Llyfrgell gan roddion pobl Cymru, a gyda'n gilydd gallwn barhau'r traddodiad. Cyfrannwch i warchod ein treftadaeth i genedlaethau'r dyfodol. Bydd pob rhodd yn gwneud gwahaniaeth.