Rhowch eich barn
Llenwch ein holiadur byr fel y gallwn ddefnyddio'ch sylwadau i wella ein gwasanaethau.
Llwyfan cyfrannu torfol i Gymru
Mae Llyfrgell Genedlaethol Cymru wedi datblygu llwyfan torfoli sy’n galluogi gwirfoddolwyr trwy Gymru a thu hwnt i’n cynorthwyo i ddehongli a chyfoethogi rhai o’r casgliadau cenedlaethol.
Medrwch gyfrannu at y wefan o’ch cartref, neu o unrhyw fan sydd â chysylltiad di-wifr.
Prif dasgau
- Trawsgrifio testun.
- Tagio pobl, lleoedd, digwyddiadau, ayb.
- Cyfoethogi data.
Hanfodol
- Sgiliau TG.
- Y gallu i ddilyn canllawiau ar-lein.
- Manylder.
Manteisiol
- Diddordeb yn hanes a diwylliant Cymru.
Amser ac ymrwymiad
- Fel sy’n gyfleus i’r unigolyn.
Beth nesaf?
- Dewisiwch brosiect cyfredol i weithio arno.
- Cofrestrwch a/neu Mewngofnodwch.
- Lawrlwythwch y canllawiau sydd ar gael ar dudalen flaen pob prosiect.
Prosiectau Torfoli Cyfredol
Tagiwch eitemau o’n casgliad llyfrau lluniadu i’w gwneud yn haws i’w canfod arlein.
Prosiectau Torfoli Cydweithredol
Mae Crowd Cymru yn brosiect cydweithredol i ddatblygu cymuned wirfoddoli ar-lein i Gymru.
Gwahoddir gwirfoddolwyr i dagio, mynegeio a thrawsgrifio dogfennau i'w gwneud yn fwy hygyrch i ymchwilwyr.
Tlodi a’r Ddeddf Dlodi Newydd yng Nghymru a Lloegr, 1834–1930 
Mae prosiect ymchwil newydd, a ariannwyd gan Gyngor Ymchwil y Celfyddydau a’r Dyniaethau ac a arweinir gan The National Archives, Prifysgol Nottingham Trent, a Phrifysgol Aberystwyth, ar y gweill ar hyn o bryd. Mae’r prosiect hefyd yn cael ei gefnogi gan sefydliadau partner gan gynnwys Archifau Ynys Môn, Archifau Sir Gaerfyrddin, Archifau Ceredigion, Archifau Morgannwg, Archifau Gwent, Archifau Gogledd-Ddwyrain Cymru, Gwasanaeth Archifau Powys, a Llyfrgell Genedlaethol Cymru.
Mae’r prosiect wedi bod yn casglu gwybodaeth o gofnodion Deddf y Tlodion sydd wedi’u digideiddio, gan ganolbwyntio’n bennaf ar ohebiaeth undebau’r Ddeddf Dlodi a detholiad o Lyfrau Cofnodion Bwrdd y Gwarcheidwaid.
Cymerwyd hwn o lythyr yng nghorrespondiaeth Undeb Cyfraith y Tlodion Conwy, 20 Mawrth 1869
Rydym bellach yn chwilio am dîm cydweithredol o olygyddion gwirfoddol i’n helpu i ddarllen drwy’r cofnodion hyn ac i gatalogio ohebiaeth ddethol (gan gynnwys llythyrau yn y Gymraeg) a chofnodion cyfarfodydd. Bydd angen i wirfoddolwyr gael mynediad at liniadur neu gyfrifiadur personol gyda Excel a Word wedi’u gosod. Yn dibynnu ar eich lleoliad, efallai y byddwch yn dewis gweithio gyda’r dogfennau gwreiddiol mewn gwasanaeth archif lleol, neu weithio ar-lein gan ddefnyddio delweddau digidol, a fydd ar gael drwy’r platfform rhannu dogfennau From the Page. 
Byddwn yn cynnig cyfres o weithdai ar-lein a sesiynau hyfforddi i’ch tywys drwy’r gwaith. Yn ogystal, bydd sesiynau parhaus am ddim yn archwilio gwahanol agweddau ar y Ddeddf Dlodi, megis disgyblaeth yn y gweithdai, rhestrau o dlodion a’r cymorth a roddwyd iddynt, diet a bwyd, symiau o gymorth ariannol, ac ymchwiliadau i achosion o esgeulustod, camdriniaeth neu gwynion gan staff neu dlodion—pynciau sy’n ymddangos yn rheolaidd yn yr archifau digideiddiedig.
Os hoffech fod yn rhan o’r prosiect cydweithredol cyffrous hwn yn gweithio gyda chofnodion y Ddeddf Dlodi, cysylltwch i ddechrau â:
Eilir Evans
Cydlynydd Gwirfoddoli
Llyfrgell Genedlaethol Cymru
01970 632424 | eilir.evans@llyfrgell.cymru