Rhowch eich barn
Llenwch ein holiadur byr fel y gallwn ddefnyddio'ch sylwadau i wella ein gwasanaethau.
Cwrdd a chyfarch
Cefndir y prosiect
Mae’r Llyfrgell Genedlaethol yn gwahodd gwirfoddolwyr i weithredu mewn rôl cwrdd a chyfarch ar gyfer arddangosfa ‘Portread a Phŵer’. Bydd y rôl yn cynnwys ymgysylltu ag ymwelwyr, yn ôl y galw. Bydd staff y Llyfrgell wrth law bob amser i ymateb i unrhyw ddigwyddiadau/ymholiadau penodol. Bydd y gwirfoddolwyr cwrdd a chyfarch yn derbyn cyflwyniad i’r arddangosfa gan Staff o adran Arddangosfeydd.
Prif dasgau
- Ymgysylltu ag ymwelwyr, yn ôl y galw.
- Casglu adborth.
- Trosglwyddo ymholiadau penodol gan ymwelwyr i staff y Llyfrgell.
- Helpu gyda gofynion hygyrchedd.
Hanfodol
- Dibynadwyedd.
- Y gallu i dderbyn cyfarwyddyd.
- Y gallu i weithio gyda ychydig o arolygaeth.
- Y gallu i gyfathrebu gydag ymwelwyr o gefndiroedd amrywiol a gyda gofynion amrywiol.
- Trefnus a manwl.
Manteisiol
- Y gallu i gyfathrebu yn y Gymraeg.
- Diddordeb mewn celf.
Cyfle i ddatblygu
- Sgiliau rhyngbersonol.
- Gwybodaeth am sut mae arddangosfeydd yn cael eu cyflwyno.
- Profiad i gyfoethogi eich CV.
Amser ac ymrwymiad
- Slotiau hanner diwrnod; yr amser penodol i’w gytuno.
Trawsgrifio cardiau mynegai rhaglenni ITV
Cefndir y prosiect
Mae archif ITV yn un o’r archifau teledu mwyaf yn Ewrop (tua 250,000 o eitemau) gan gynnwys caniau o ffilm, tapiau a fformatau eraill. Mae'n cynrychioli hanes diwylliannol, cymdeithasol a gwleidyddol unigryw Cymru yn ystod y 60 mlynedd diwethaf ac mae’n cynnwys rhai o ddelweddau teledu mwyaf eiconig yr oes.
Un casgliad o fewn yr archif yw’r cardiau mynegai sy’n nodi manylion am gynnwys amrywiaeth o raglenni a wnaed gan ITV Cymru a Bryste.
Rydym yn gwahodd gwirfoddolwyr i drawsgrifio’r data sydd ar y cardiau mynegai i ddogfen Excel; bydd hyn yn galluogi yr Archifydd ITV i gopio’r trawsgrifiadau a’u huwchlwytho yn syth ar system ITV.
Prif dasgau
- Trawsgrifio gwybodaeth o gardiau mynegai i ddogfen Excel.
Hanfodol
- Sgiliau llythrenedd rhagorol.
- Sgiliau TG (MS Excel yn benodol).
- Y gallu i dderbyn cyfarwyddyd.
- Y gallu i weithio gyda ychydig o arolygaeth.
- Trefnus a manwl.
Manteisiol
- Diddordeb mewn hanes diweddar.
Cyfle i ddatblygu
- Sgiliau TG.
- Sgiliau trefniadol.
- Profiad i gyfoethogi eich CV.
Amser ac ymrwymiad
- I’w gytuno.
Croesawu’r Cyhoedd
Cefndir y prosiect
This is a volunteer role description where the ability to communicate through the medium of Welsh is essential.
Pwrpas y cyfle gwirfoddoli hwn yw cyfoethogi profiad y rhai sy’n ymweld â’r Llyfrgell; bydd hefyd yn gyfle i ganfod ac ymateb i farn ein defnyddwyr ar ein gwasanaethau. Rydym yn chwilio am dîm o wirfoddolwyr dwyieithog, brwd, sy’n hoff o gwrdd â pobl newydd ac sy’n medru ymdrin â phobl o gefndiroedd, a chydag anghenion, amrywiol. Bydd y tîm croeso yn sgwrsio â’r bobl sy’n ymweld â’r adeilad, yn ogystal â chynnal arolygon barn ac ymgynghoriadau perthnasol. Darperir hyfforddiant.
Lleoliad
Mannau cyhoeddus y Llyfrgell, o dan ofal staff yr is-adrannau Cysylltiadau Allanol a Gwasanaethau Ymwelwyr.
Prif dasgau
- Croesawu, sgwrsio gydag ac ymateb i gwestiynau ymwelwyr.
- Codi ymwybyddiaeth ymwelwyr a’u cyfeirio at yr arddangosfeydd a’r amryw gyfleusterau eraill o fewn yr adeilad.
- Cynorthwyo gyda digwyddiadau.
- Rhannu taflenni, cynnal arolygon barn ac ymgynghoriadau.
- Cefnogi teithiau tywys o gylch yr adeilad.
Hanfodol
- Dibynadwyedd.
- Croesawgar a goddefgar.
- Gwybodaeth dda am Gymru, ei hanes a’i phobl.
- Gallu a hyder i ymdrin â phobl o gefndiroedd, a chydag anghenion, amrywiol.
- Gallu i gyfathrebu yn Gymraeg a Saesneg.
Manteisiol
- Gwybodaeth am wasanaethau’r Llyfrgell.
- Gallu i gyfathrebu mewn ieithioedd eraill yn ogystal ag yn y Gymraeg a Saesneg.
Cyfle i ddatblygu
- Sgiliau rhyngbersonol.
- Sgiliau gweithio fel rhan o dîm.
- Profiad i gyfoethogi eich CV.
Amser ac ymrwymiad
- I’w gytuno.
Is Deitlo Cyflwyniadau Ar-Lein y Llyfrgell
Cefndir y prosiect:
Dros y 5 mlynedd diwethaf mae’r Llyfrgell wedi cynnal rhaglen o ddigwyddiadau byw ar-lein. Mae galw i’r rhain cael eu hychwanegu i sianel YouTube y Llyfrgell ac maent yn adnodd gwerthfawr.
Yn ystod cyfnod y clo bu i aelodau staff (oedd yn methu cyflawni eu gwaith arferol i’r Llyfrgell) ymgymryd â’r gwaith yma; ond gan eu bod bellach wedi dychwelyd i’w priod waith nid oes neb i wneud y gwaith hwn. Mae cyfle felly i wirfoddolwyr i ymgymryd â’r dasg.
Yn hanesyddol mae’n aneglur os oedd gwaith is-deitlo cyflwyniadau’r Drwm yn cael ei wneud gan staff, ond yn sicr dydi is-deitlo digwyddiadau wedi’u cyflwyno’n syth ar-lein heb ei wneud heblaw am gyfnod y clo.
Bydd staff yn creu cyfrif YouTube newydd yn benodol ar gyfer gwirfoddolwyr i gyflawni’r dasg, cyn bod staff yn trosglwyddo’r cyfan i gyfrif LLGC.
Mae hon yn dasg fyddai’n hefyd gallu cael ei gyflawni gan wirfoddolwyr o bell.
Prif dasgau:
- Gwylio’r cyflwyniad ac ychwanegu is-deitlau Cymraeg a Saesneg yn YouTube;
- Gellir gwneud y trawsgrifiad ar ddogfen Word;
- Cyflwyniadau Saesneg – bydd angen uwchlwytho’r trawsgrifiad ac yna creu cyfieithiad Cymraeg;
- Cyflwyniadau Cymraeg - bydd angen creu trawsgrifiad o’r newydd, ac yna creu cyfieithiad Saesneg;
- Gwylio’r fersiwn terfynnol ar sianel YouTube LLGC er mwyn gwirio ac adrodd i staff ar unrhyw gywiriadau;
- Above tasks can be split between volunteers.
Hanfodol:
- Sgilia TG;
- Sgiliau llythrennedd ardderchog;
- Y gallu i dderbyn cyfarwyddyd;
- Y gallu i weithio gydag ychydig o arolygaeth;
- Trefnus a manwl.
Manteisiol:
- Diddordeb yn hanes a diwylliant Cymru.
Cyfle i ddatblygu:
- Sgiliau TG arbenigol;
- Gwybodaeth am gasgliadau’r Llyfrgell a hanes Cymru;
- Sgiliau cyfieithu;
- Profiad i gyfoethogi eich CV.
Amser ac ymrwymiad:
- I’w gytuno
Rhaglen Rhannu a Chefnogi
Cefndir y Rhaglen:
Rydym yn gwahodd gwirfoddolwyr i fod yn rhan o’n Rhaglen Rhannu a Chefnogi yn Llyfrgell Genedlaethol Cymru – menter sy’n seiliedig ar dasgau, lle mae gwirfoddolwyr yn gweithio gyda’i gilydd mewn amgylchedd cyfeillgar.
Ydych chi eisiau helpu eraill i deimlo’n groesawgar? Neu’n chwilio am arweiniad a wyneb cyfeillgar wrth i chi setlo i mewn? Mae’r rhaglen hon wedi’i chynllunio ar eich cyfer chi. Mae’n ffordd wych o ddod yn rhan o’n cymuned, adnabod pobl newydd, a theimlo’n gartrefol yn eich rôl wirfoddoli.
Beth mae’n ei olygu?
- Adeiladu cysylltiadau cadarnhaol gyda gwirfoddolwyr eraill.
- Rhannu profiadau a chynnig anogaeth.
- Gweithio gyda’n gilydd ar dasgau a phrosiectau.
- Dod yn rhan o gymuned wirfoddoli gynhwysol.
Pam ymuno?
- Cryfhau eich sgiliau cyfathrebu a gwaith tîm.
- Dysgu am arferion cefnogi cynhwysol.
- Ennill profiad gyda sefydliad cenedlaethol mawr.
- Gwella eich CV gyda gwaith gwirfoddoli ystyrlon.
- P’un a ydych yn newydd neu’n brofiadol, dyma le i deimlo’n cael eich cefnogi, eich clywed, a’ch grymuso – tra’n helpu eraill i wneud yr un peth.
Allbwn: Cefnogi’r Llyfrgell yn eu rolau sy’n seiliedig ar dasgau, gan gyfoethogi’r profiad gwirfoddoli cyffredinol.
Lleoliad: Llyfrgell Genedlaethol Cymru
Prif dasgau:
- Adeiladu perthynas gadarnhaol a chefnogol rhwng cymheiriaid, wedi’i seilio ar ymddiriedaeth, parch ac empathi.
- Gwrando’n weithredol a chynnig arweiniad heb farnu.
- Annog hyder a dathlu cynnydd.
- Cefnogi ei gilydd gyda thasgau, prosiectau a rolau gwirfoddoli.
Hanfodol:
- Cyfathrebu: Gallu cyfathrebu’n hyderus, yn glir, ac ag empathi.
- Ymroddiad: Mynychu sesiynau cytûn a chyfathrebu os oes angen newidiadau.
- Cynhwysiant: Bod yn groesawgar ac yn barchus o bob cefndir, oedran ac anabledd.
- Addasrwydd: Defnyddio dulliau ac offer sy’n addas i ffordd orau eich partner o weithio a dysgu.
- Parodrwydd i ddysgu: Bod yn agored i adborth ac awyddus i ddatblygu eich sgiliau cefnogi.
Manteisiol:
- Y gallu i siarad Gymraeg (nid yw’n hanfodol).
- Diddordeb yng nghasgliadau’r Llyfrgell.
Cyfle i ddatblygu:
- Cryfhau sgiliau rhyngbersonol a chyfathrebu.
- Dysgu am arferion cefnogi cynhwysol.
- Ennill profiad o weithio gyda sefydliad cenedlaethol mawr.
- Gwella eich CV gyda phrofiad gwirfoddoli ystyrlon.
Amser ac ymrwymiad:
- Slotiau hanner diwrnod; yr amser penodol i’w gytuno.