Lens 2014: Gŵyl Dogfennu Cymru â’r Camera

Reportage yw thema gafaelgar degfed  Gŵyl Ffotograffiaeth ‘Lens’,  a gynhelir yn Llyfrgell Genedlaethol Cymru, Aberystwyth ar 28 a 29 Tachwedd.

O’i dyddiau cynnar fel digwyddiad i hyrwyddo casgliadau delweddau gweledol y Llyfrgell,  mae’r Ŵyl wedi tyfu a datblygu dros y ddegawd a fu i fod yn fforwm drafod bwysig i ffotograffwyr proffesiynnol a lleug, ac yn gyfle i fwynhau cyflwyniadau gan rai o gewri’r lens.  

Yn ôl William Troughton, Llyfrgellydd Delweddau Gweledol y Llyfrgell, bydd y ddegfed Ŵyl yn un arbennig iawn:

“Rydym yn falch o fedru cyhoeddi y bydd  Homer Sykes, sydd â’i waith wedi ymddangos yn  The Telegraph, The Sunday Times, The Observer yn ogystal â chylchgronau’r Sunday Express,  gyda ni’n  rhannu ei brofiadau helaeth fel ffotograffydd portreadau a chylchgronau proffesiynol.  Bydd yn fraint mawr cael ei bresenoldeb ac rydym yn edrych ymlaen yn fawr iawn at ei gyflwyniad”.

Ymysg y cyfranwyr eraill i’r Ŵyl fydd James O Jenkins, Amanda Jackson, Neil Turner, Tina Carr ac Annemarie Schöne.  Cyflwynir newyddion o gasgliadau Llyfrgell Genedlaethol Cymru a gwybodaeth am gynllun MabLab y Llyfrgell.   
At hyn, bydd diweddariad  gan drefnwyr Gŵyl FfotoAber.

Bydd yr Ŵyl yn cychwyn ar nos Wener 28 Tachwedd ac yn parhau drwy’r dydd Sadwrn 29 Tachwedd.
Mynediad trwy docyn sydd ar gael o Siop LlGC
01970 632 548
www.llyfrgell.cymru/drwm

Am fwy o wybodaeth am Ŵyl Lens 2014 cysylltwch â:
William Troughton, Llyfrgellydd Delweddau Gweledol
01970 632 827
william.troughton@llgc.org.uk
neu
Rhiain Williams, Swyddog Marchnata
01970 632 534
rhiain.williams@llgc.org.uk