Mae’n bleser gan y Llyfrgell i gyhoeddi carreg filltir arall ym mhrosiect trawsgrifio’r Ddeiseb Heddwch, gyda 300,000 o enwau bellach wedi cael eu trawsgrifio.
Mae’r cynnydd anhygoel hwn yn dyst i ymroddiad a brwdfrydedd gwirfoddolwyr, sy’n helpu i ddod â’r eitem hanesyddol yma'n fyw.
Yn ôl Pennaeth Gwasanaethau Digidol y Llyfrgell, Dafydd Tudur:
"Mae'n anhygoel bod y garreg filltir hon wedi'i chyrraedd yn y gwaith o drawsgrifio'r Ddeiseb ac rydyn ni'n hynod o ddiolchgar i bawb sydd wedi rhoi o'u hamser ac egni i gyflawni hyn."
Dysgwch fwy am y broses o drawsgrifio'r Ddeiseb Heddwch a dod yn rhan o drawsgrifio'r 100,000 o enwau olaf.
Categori: Newyddion