Calendr Cymru a'r Byd

Cynhelir Diwrnod Rhyngwladol Heddwch i gofio ac i annog y delfryd o heddwch mewn byd heb ryfel a thrais.

Cynhelir Diwrnod Ieithoedd Ewrop er mwyn hybu ymwybyddiaeth fyd-eang o bwysigrwydd dysgu ieithoedd a gwarchod traddodiadau ieithyddol.

Mae Mis Hanes Pobl Dduon yn ddigwyddiad blynyddol sy'n tarddu o Unol Daleithiau America. Fe'i nodir i ddathlu diwylliant Affrica a'i chyfraniadau i gymdeithas.

Mae Diwrnod Rhyngwladol Dileu Trais yn erbyn Menywod yn codi ymwybyddiaeth a cheisio dileu unrhyw fath o drais yn erbyn menywod. Mae’r rhain yn cynnwys trais ar sail rhywedd sy’n arwain at niwed seicolegol, corfforol neu rywiol, boed hynny mewn bywyd cyhoeddus neu breifat.

Cynhelir Diwrnod Rhyngwladol Pobl ag Anableddau yn rhyngwladol i godi ymwybyddiaeth o faterion yn ymwneud ac anabledd ac i annog cefnogaeth i bobl ag anableddau trwy amrywiol weithgareddau. Sylwer bod "Derwen Cripples' Training College" yn cael ei ddefnyddio yn y catalog oherwydd dyna oedd y teitl cywir ar gyfer enw'r sefydliad yn 1955 pan dynnwyd y lluniau, fodd bynnag mae'r derminoleg a ddefnyddir ganddynt wedi newid ac fe'i gelwir bellach yn Goleg Derwen.

“Mae geiriau llynedd yn perthyn i iaith y llynedd. Ac mae geiriau’r flwyddyn nesaf yn aros am lais newydd. Ac mae gwneud diwedd yn gwneud dechrau.” - T.S. Eliot

Mae Llyfrgell Genedlaethol Cymru yn dymuno Blwyddyn Newydd Dda i chi.

Mae Diwrnod Crefydd y Byd yn tarddu o’r egwyddorion Bahá’í o unplygrwydd crefydd a'i ddatguddiad blaengar, sy’n disgrifio crefydd fel rhywbeth sy’n datblygu’n barhaus ar hyd y cenedlaethau. Pwrpas Diwrnod Crefydd y Byd yw amlygu’r syniadau bod yr egwyddorion ysbrydol sydd wrth wraidd crefyddau’r byd yn gytûn, a bod crefyddau yn chwarae rhan bwysig wrth uno dynoliaeth.

Mae Diwrnod Martin Luther King Jr yn ŵyl ffederal yn yr Unol Daleithiau sy'n nodi pen-blwydd Martin Luther King Jr a frwydrodd dros hawliau dynol ac urddas pawb, a'r cyfraniad wnaed gan ei etifeddiaeth tuag at geisio sicrhau byd cyfiawn a theg.

Blwyddyn Newydd Tsieineaidd yw'r ŵyl bwysicaf yn niwylliant Tsieineaidd. Mae'n dathlu dechrau blwyddyn newydd yn seiliedig ar y calendr lunisolar Tsieineaidd. Cyfeirir ati hefyd fel gŵyl y gwanwyn; nodi diwedd tymor y gaeaf. Mae'r Flwyddyn Newydd Tsieineaidd wedi dylanwadu'n fawr ar ddathliadau Blwyddyn Newydd Lunar o fwy na 50 o grwpiau ethnig. Fe'i dathlir mewn llawer o wledydd a rhanbarthau Asiaidd gydag anheddiad Tsieineaidd mawr.