Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Mae Diwrnod Rhyngwladol Dileu Trais yn erbyn Menywod yn codi ymwybyddiaeth a cheisio dileu unrhyw fath o drais yn erbyn menywod. Mae’r rhain yn cynnwys trais ar sail rhywedd sy’n arwain at niwed seicolegol, corfforol neu rywiol, boed hynny mewn bywyd cyhoeddus neu breifat.
Nod Diwrnod Dim Gwahaniaethu yw hyrwyddo cydraddoldeb a thynnu sylw at sut y gall pobl magu gwell dealltwriaeth o'r ffaith fod pawb yn haeddu byw bywyd llawn a chynhyrchiol. Mae'r diwrnod hwn yn cael ei goffáu er mwyn hyrwyddo cynhwysiant, tosturi a heddwch.
Mae Diwrnod Rhyngwladol y Menywod yn ddiwrnod ymwybyddiaeth fyd-eang sy'n cael ei ddathlu'n flynyddol gyda'r nod o roi llais i fenywod, gan dynnu sylw at faterion fel cydraddoldeb rhyw, cam-drin menywod, trais a hawliau atgenhedlu.
Ers 1977, mae Diwrnod y Gymanwlad wedi cael ei ddathlu gan 56 o wledydd y Gymanwlad i feithrin gwerthoedd ac egwyddorion a rennir er mwyn sicrhau dyfodol heddychlon a chynaliadwy.
Sefydlwyd y diwrnod hwn gan Gynulliad Cyffredinol y Cenhedloedd Unedig ar 28 Mehefin 2012; mae Diwrnod Rhyngwladol Hapusrwydd yn cael ei ddathlu ledled y byd i atgoffa pobl o bwysigrwydd hapusrwydd.
Mae'r Ŵyl Ban Geltaidd yn ŵyl o gerddoriaeth, dawns a chwaraeon a gynhelir yn flynyddol yn Iwerddon. Cynhaliwyd yr ŵyl gyntaf yn Swydd Kerry gyda’r nod o feithrin a hyrwyddo ieithoedd y gwledydd Celtaidd. Mae Cymru wedi cael ei chynrychioli yn yr ŵyl ers ei sefydlu yn 1971.
Mae Diwrnod Jazz Rhyngwladol yn ddiwrnod rhyngwladol sy'n cael ei ddathlu'n flynyddol ledled y byd.Yn ddathiad ogerddoriaeth jazmae'n codi ymwybyddiaeth o sut mae cerddoriaeth yn dod â phpbl ynghyd heddwch, undod a chariad.
Mae Diwrnod Amrywiaeth Ddiwylliannol y Byd ar gyfer Deialog a Datblygiad yn cael ei nodi i ddathlu amrywiaeth a chodi ymwybyddiaeth o faterion hiliaeth a gwahaniaethu. Cafodd ei gymeradwyo gan y Cenhedloedd Unedig yn 2002.
Mae Eisteddfod Genedlaethol yr Urdd yn ŵyl ieuenctid Gymraeg a gynhelir yn flynyddol. Mae’n canolbwyntio ar lenyddiaeth, cerddoriaeth a’r celfyddydau. Fe’i sefydlwyd yn 1922 gan Syr Ifan ab Owen Edwards gyda’r nod o hybu a gwarchod yr iaith Gymraeg. Wedi'i threfnu gan Urdd Gobaith Cymru, mae dros 90,000 o bobl yn mynychu'r ŵyl, gyda 15,000 o blant a phobl ifanc yn cymryd rhan yn y cystadlethau amrywiol.
Mae mis Balchder wedi'i neilltuo i ddathlu a choffáu'r LHDTC+. Dechreuodd ar ôl terfysgoedd Stonewall ym 1969 yn America. Yn y mis hwn cynhelir gorymdeithiau, cyngherddau a digwyddiadau amrywiol i godi ymwybyddiaeth am hawliau cyfartal a chyfiawnder pobl sy'n uniaethu fel LHDTC+.