Galwad am Arweinwyr Gweithdy: 

Sesiynau Creadigol yn Llyfrgell Genedlaethol Cymru

 

Mae Llyfrgell Genedlaethol Cymru yn chwilio am unigolion creadigol i arwain gweithdai wedi’u hysbrydoli gan ein harddangosfa gyfredol, Dim Celf Gymreig: Archwilio’r Myth gyda Peter Lord. Mae’r arddangosfa hon yn herio syniadau nad oedd traddodiad cryf o gelf Gymreig, gan sbarduno sgyrsiau am hunaniaeth, diwylliant, a chreadigedd.

Rydym yn gwahodd pobl neu sefydliadau angerddol i ddylunio ac arwain gweithdai sy’n canolbwyntio ar les ac sy’n agored i bawb, yn enwedig rhai nad ydynt fel arfer yn cael mynediad at gyfleoedd o’r fath. Y nod yw creu gofod croesawgar lle gall cyfranogwyr archwilio themâu'r arddangosfa yn greadigol.
 

Rydym yn croesawu ceisiadau o bob maes creadigol—boed eich arbenigedd yn y celfyddydau gweledol, ysgrifennu, cerddoriaeth, perfformio, neu ffurfiau eraill. Gallai gweithdai gynnwys creu celf ymarferol, adrodd straeon, trafodaethau, neu brofiadau synhwyraidd. Mae'r ffocws ar feithrin amgylchedd cynhwysol sy'n annog mynegiant a chysylltiad.

I wneud cais, dywedwch wrthym:

· Pwy ydych chi a beth rydych yn ei wneud, gan gynnwys eich profiad gyda gweithdai creadigol ac ymgysylltu â gwahanol gymunedau.

· Eich syniad gweithdy, sut mae'n cysylltu â'r arddangosfa, a sut y bydd yn hygyrch ac yn gefnogol i les cyfranogwyr.

Sut i wneud cais:

Anfonwch ddatganiad byr o ddiddordeb yn trafod yr uchod (uchafswm o 800 gair) erbyn 14 Chwefror at cymunedau@llyfrgell.cymru, gan gynnwys eich manylion cyswllt, CV neu bortffolio, ac unrhyw anghenion penodol ar gyfer eich gweithdy.

Bydd ymgeiswyr llwyddiannus yn derbyn ffi o £250 y dydd (1 diwrnod ar gyfer paratoi ac 1 diwrnod o ddosbarthu) ac adnoddau materol gan y Llyfrgell i helpu i redeg eu gweithdai.

Edrychwn ymlaen at glywed gan rhai sy'n awyddus i ysbrydoli creadigrwydd a chysylltiad o fewn y gymuned.