Peintiadau a Lluniadau

Cynnwys y casgliad hwn waith ar bapur a chynfas, gyda:

  • 4000 o eitemau mewn ffrâm
  • 8000 eitem wedi eu mowntio
  • Dros 500 o Lyfrau Lluniadu (Drawing Volumes) 

 

Mae’r casgliad sylweddol hwn yn cynnwys peintaidau gan feistri fel

  • J M W Turner, (Melin Aberdulais a Chastell Dolbadarn) ymwelydd cyson â Chymru yn ystod ei yrfa
  • Richard Wilson, arlunydd tirlun hynod bwysig a ddylanwadodd ar Turner a Constable
  • Thomas Gainsborough, arlunydd tirlun a phortreadau enwog o’r 18fed ganrif
  • Thomas Jones Pencerrig arlunydd tirluniau Cymreig o gryn dalent, disgybl i Wilson
  • James Ward, arlunydd rhamantus o Loegr

 

Darganfuwyd Cymru am y tro cyntaf gan lawer o artistiaid blaenllaw yn ail hanner y 18fed ganrif. Adlewyrchir hyn yng nghasgliad dyfrliwiau’r Llyfrgell sydd yn cynnwys gwaith:

  • Samuel Hieronymus Grimm a deithiodd drwy Gymru yn 1777 gan lunio ei olygfeydd Cymreig
  • Thomas Pennant, Downing, Sir y Fflint, a gyhoeddodd hanes ei deithiau yng Nghymru a’r Alban 1772-1796. Gwelir copiau ysblennydd o’i gyfrolau yn y casgliad wedi eu darlunio gan Moses Griffith a John Ingleby
  • Teithiodd Richard Colt-Hoare yn 1791 gan gofnodi safleoedd o ddiddordeb hynafol
  • Cynnyrch ei deithiau yw lluniau Cymreig Thomas Rowlandson 1797
  • John “Warwick” Smith, llywydd ‘The Old Watercolour Society’, a deithiodd yn rheolaidd drwy Gymru 1784-1804.  Ceir dros 150 o’i luniau yn y casgliad

Arlunwyr Gwlad

Gwelir hefyd waith gan arlunwyr brodorol mwy traddodiadol megis

  • Casgliad o bortreadau gan William Roos
  • Hugh Hughes arlunydd portreadau â noddwyd gan y dosbarth canol yng Nghymru yn ystod 19eg ganrif
  • Y Parchedig Evan Williams
  • Y Parchedig Robert Hughes, Uwchlaw’r Ffynnon, Llŷn a ddechreuodd beintio yn 50 oed

Gwaith cyfoes

Mae’r gwaith cyfoes yn cynnwys arlunwyr fel

  • Augustus John
  • Gwen John
  • David Jones
  • Evan Walters
  • John Elwyn
  • Brenda Chamberlain
  • John Piper
  • Claudia Williams
  • Gwilym Prichard 

 

Kyffin Williams: Mae casgliad helaeth iawn o’i waith yn y Llyfrgell gan gynnwys ei beintaidau o Gymru, y Wladfa, darluniadau i’w lyfrau a caricatures.

Gallwch gael mynediad at y deunydd yma trwy chwilio ar y catalog arlein.

Dolenni Perthnasol