Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Cynhelir Diwrnod Diabetes y Byd ar y diwrnod hwn i godi ymwybyddiaeth fyd-eang am ddiabetes mellitus ac i ddathlu Syr Frederick Banting, a ddarganfuodd yr inswlin ynghyd â Charles Best ym 1922.
Cynhelir Diwrnod Rhyngwladol Dynion i godi ymwybyddiaeth byd-eang am nifer o faterion sy’n wynebu dynion sy’n cynnwys dieithrio rhieni, hunanladdiad, trais a chamdriniaeth.
Delwedd uchod: 'Father and Son with Horse, Swansea, from series No Place Like Home © Richard Ansett 2021
Mae Diwrnod Rhyngwladol Dileu Trais yn erbyn Menywod yn codi ymwybyddiaeth a cheisio dileu unrhyw fath o drais yn erbyn menywod. Mae’r rhain yn cynnwys trais ar sail rhywedd sy’n arwain at niwed seicolegol, corfforol neu rywiol, boed hynny mewn bywyd cyhoeddus neu breifat.
Ers 1988, neilltuwyd y diwrnod hwn i godi ymwybyddiaeth o’r clefyd AIDS yn ogystal â'i atal ac i gondemnio stigmateiddio pobl sy'n dioddef o'r clefyd.
Cynhelir Diwrnod Rhyngwladol Pobl ag Anableddau yn rhyngwladol i godi ymwybyddiaeth o faterion yn ymwneud ac anabledd ac i annog cefnogaeth i bobl ag anableddau trwy amrywiol weithgareddau. Sylwer bod "Derwen Cripples' Training College" yn cael ei ddefnyddio yn y catalog oherwydd dyna oedd y teitl cywir ar gyfer enw'r sefydliad yn 1955 pan dynnwyd y lluniau, fodd bynnag mae'r derminoleg a ddefnyddir ganddynt wedi newid ac fe'i gelwir bellach yn Goleg Derwen.
Dethlir Diwrnod Hawliau Dynol yn fyd-eang ar y diwrnod hwn yn flynyddol. Yn ôl gwefan y Cenhedloedd Unedig “Dewiswyd y dyddiad hwn i gofnodi i Gynulliad Cyffredinol y Cenhedloedd Unedig fabwysiadu a datgan y Datganiad Cyffredinol o Hawliau Dynol (UDHR) ar 10 Rhagfyr 1948, y datganiad byd eang cyntaf o hawliau dynol, ac un o lwyddiannau mawr cyntaf y Cenhedloedd Unedig newydd”.
Mae Diwrnod Braille y Byd yn cael ei ddathlu i anrhydeddu dyfeisiwr Braille, Louis Braille, a phwysigrwydd Braille fel arf cyfathrebu a grymuso i rai sydd â nam ar eu golwg.
Nodir y diwrnod hwn er mwyn codi ymwybyddiaeth bellach o fater parhaus masnachu pobl ac atal y troseddau sy'n gysylltiedig ag ef yn fyd-eang.
Mae Diwrnod Crefydd y Byd yn tarddu o’r egwyddorion Bahá’í o unplygrwydd crefydd a'i ddatguddiad blaengar, sy’n disgrifio crefydd fel rhywbeth sy’n datblygu’n barhaus ar hyd y cenedlaethau. Pwrpas Diwrnod Crefydd y Byd yw amlygu’r syniadau bod yr egwyddorion ysbrydol sydd wrth wraidd crefyddau’r byd yn gytûn, a bod crefyddau yn chwarae rhan bwysig wrth uno dynoliaeth.
Mae Diwrnod Martin Luther King Jr yn ŵyl ffederal yn yr Unol Daleithiau sy'n nodi pen-blwydd Martin Luther King Jr a frwydrodd dros hawliau dynol ac urddas pawb, a'r cyfraniad wnaed gan ei etifeddiaeth tuag at geisio sicrhau byd cyfiawn a theg.