Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Mae Diwrnod Braille y Byd yn cael ei ddathlu i anrhydeddu dyfeisiwr Braille, Louis Braille, a phwysigrwydd Braille fel arf cyfathrebu a grymuso i rai sydd â nam ar eu golwg.
Mae Diwrnod Martin Luther King Jr yn ŵyl ffederal yn yr Unol Daleithiau sy'n nodi pen-blwydd Martin Luther King Jr a frwydrodd dros hawliau dynol ac urddas pawb, a'r cyfraniad wnaed gan ei etifeddiaeth tuag at geisio sicrhau byd cyfiawn a theg.
Mae Diwrnod Cofio’r Holocost yn ddiwrnod coffa rhyngwladol i ddioddefwyr yr Holocost, a arweiniodd at hil-laddiad traean o Iddewon, ynghyd ag aelodau di-rif o leiafrifoedd eraill, gan yr Almaen Natsïaidd rhwng 1933 a 1945.
Heddiw rydym yn cofio ac yn anrhydeddu’r pymtheg miliwn a mwy o Ddioddefwyr Caethwasiaeth a’r Fasnach Gaethwasiaeth Drawsatlantig a fu’n wynebodd creulondeb am dros 400 mlynedd, a hefyd i godi ymwybyddiaeth o beryglon hiliaeth a rhagfarn.
Mae Diwrnod Windrush yn cael ei goffáu yn y Deyrnas Unedig ar 22 Mehefin bob blwyddyn i anrhydeddu’r ymfudwyr a gyfrannodd at yr economi ar ôl yr Ail Ryfel Byd. Mae'r diwrnod hwn yn dathlu dyfodiad 1,027 o bobl o'r Caribî ar yr HMT Empire Windrush yn 1948.
Mae Diwrnod Rhyngwladol Nelson Mandela yn ddiwrnod rhyngwladol blynyddol i anrhydeddu Nelson Rolihlahla Mandela, ymgyrchydd a gwleidydd gwrth-apartheid o Dde Affrica. Mae'n cael ei ddathlu mewn gwerthfawrogiad o'r 67 mlynedd y treuliodd Nelson Mandela yn ymladd dros gyfiawnder, cydraddoldeb a hawliau dynol i bawb.
Mae Diwrnod Rhyngwladol Cofio’r Fasnach Gaethweision a’i Diddymu yn ddiwrnod rhyngwladol a ddewiswyd gan UNESCO i dalu teyrnged a chodi ymwybyddiaeth o’r fasnach gaethweision ar draws yr Iwerydd a pheryglon hiliaeth a rhagfarn
Mae diwrnod y Cenhedloedd Unedig yn nodi pen-blwydd sefydlu'r Cenhedloedd Unedig ym 1945.
Cynhelir Diwrnod Diabetes y Byd ar y diwrnod hwn i godi ymwybyddiaeth fyd-eang am ddiabetes mellitus ac i ddathlu Syr Frederick Banting, a ddarganfuodd yr inswlin ynghyd â Charles Best ym 1922.