Calendr Cymru a'r Byd

Mae'r Pasg, neu Ŵyl y Bara Croyw yn un o'r prif wyliau Iddewig. Mae'n dathlu rhyddhau'r Israeliaid o gaethwasiaeth yn yr Aifft. Fe'i gelwir hefyd yn Pesaḥ neu Pesach, ac mae hefyd yn ddiwrnod coffáu.

Mae'r Eglwys Uniongred yn galw Diwrnod y Pasg yn Pascha.Mae'n cael ei ddathlu wrth gyflawni proffwydoliaeth Meseia a'i atgyfodiad oddi wrth y meirw.

Mae'r Ŵyl Ban Geltaidd yn ŵyl o gerddoriaeth, dawns a chwaraeon a gynhelir yn flynyddol yn Iwerddon. Cynhaliwyd yr ŵyl gyntaf yn Swydd Kerry gyda’r nod o feithrin a hyrwyddo ieithoedd y gwledydd Celtaidd. Mae Cymru wedi cael ei chynrychioli yn yr ŵyl ers ei sefydlu yn 1971.

Mae Diwrnod Jazz Rhyngwladol yn ddiwrnod rhyngwladol sy'n cael ei ddathlu'n flynyddol ledled y byd.Yn ddathiad ogerddoriaeth jazmae'n codi ymwybyddiaeth o sut mae cerddoriaeth yn dod â phpbl ynghyd heddwch, undod a chariad.

Santes Sara, a elwir hefyd yn Sara-la-Kâli neu Sara Ddu yw nawddsant y Romani a' phobl sydd wedi'u dadleoli. Dywedir ei bod yn llawforwyn Eifftaidd i Mair Magdalen.

Mae Eisteddfod Genedlaethol yr Urdd yn ŵyl ieuenctid Gymraeg a gynhelir yn flynyddol. Mae’n canolbwyntio ar lenyddiaeth, cerddoriaeth a’r celfyddydau. Fe’i sefydlwyd yn 1922 gan Syr Ifan ab Owen Edwards gyda’r nod o hybu a gwarchod yr iaith Gymraeg. Wedi'i threfnu gan Urdd Gobaith Cymru, mae dros 90,000 o bobl yn mynychu'r ŵyl, gyda 15,000 o blant a phobl ifanc yn cymryd rhan yn y cystadlethau amrywiol.

Mae Eisteddfod Gerddorol Ryngwladol Llangollen yn ŵyl gerddorol flynyddol a gynhelir yn Llangollen, yng ngogledd Cymru yn ystod ail wythnos mis Gorffennaf. Mae'n un o nifer o Eisteddfodau mawr blynyddol Cymru. Gwahoddir cantorion a dawnswyr o bob rhan o’r byd i gymryd rhan mewn dros ugain o gystadlaethau, gyda chyngerdd i ddilyn ar ddiwedd y dydd. Mae’r perfformwyr enwog i ymddangos yn Llangollen yn cynnwys Luciano Pavarotti.

Mae Diwrnod Rhyngwladol Nelson Mandela yn ddiwrnod rhyngwladol blynyddol i anrhydeddu Nelson Rolihlahla Mandela, ymgyrchydd a gwleidydd gwrth-apartheid o Dde Affrica. Mae'n cael ei ddathlu mewn gwerthfawrogiad o'r 67 mlynedd y treuliodd Nelson Mandela yn ymladd dros gyfiawnder, cydraddoldeb a hawliau dynol i bawb.

Gŵyl gerddorol flynyddol Geltaidd a rhyngwladol a gynhelir yn nhref Dolgellau yng Nghymru yw Sesiwn Fawr Dolgellau. Sefydlwyd y digwyddiad yn 1992, ac yn y blynyddoedd cynnar fe’i cynhaliwyd yn strydoedd y dref cyn symud i’r Marian Mawr am gyfnod. Erbyn hyn mae’n ôl yng nghanol y dre, ac yn troi strydoedd Dolgellau yn faes gŵyl werin fywiog, gyda cherddoriaeth, llên, comedi a gweithgareddau i blant yn cael eu llwyfannu ar draws amrywiol leoliadau.

Mae Cymdeithas Amaethyddol Frenhinol Cymru wedi chwarae rhan flaenllaw yn natblygiad amaethyddiaeth a’r economi wledig yng Nghymru ers dros ganrif. Cynhelir Sioe Amaethyddol Frenhinol Cymru gan y gymdeithas gyda phedwar diwrnod o gystadlaethau da byw a cheffylau ac amrywiaeth o weithgareddau sydd o ddiddordeb i bawb.