Nid yw'r gwasanaeth Corneli Clip ar gael ar hyn o bryd oherwydd problemau technegol. Rydym yn gweithio i ddatrys y rhain mor fuan â phosib. Ymddiheurwn am unrhyw anghyfleustra.
Mae'n bosib na fyddwn ni'n gallu cyrchu ein holl ddeunydd archifol yn ystod yr wythnosau nesaf. Os fyddwch chi'n ymweld yn ystod y cyfnod hwn, gofynnwn i chi archebu unrhyw ddeunydd archifol cyn gynted â phosib os gwelwch yn dda. Ymddiheurwn am unrhyw anghyfleustra.
Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Mae Vesak yn ŵyl sy'n cael ei nodi gan Fwdhyddion mewn sawl rhan o'r byd. Fe'i gelwir hefyd yn Bwdha Jayanti, Bwdha Purnima, Diwrnod Bwdha. Dyma'r ŵyl Fwdhaidd bwysicaf yn y calendr, ac mae addurno a rhoi offrymau yn y deml yn rhan ohoni.
Santes Sara, a elwir hefyd yn Sara-la-Kâli neu Sara Ddu yw nawddsant y Romani a' phobl sydd wedi'u dadleoli. Dywedir ei bod yn llawforwyn Eifftaidd i Mair Magdalen.
Mae merthyrdod Guru Arjan Dev Sahib, sef dathliad o'i fywyd a'r aberth a wnaeth dros y Sikhiaid yn cael ei nodi'n flynyddol. Mae'r dathliadau yn cynnwys darllen llyfr sanctaidd y Sikhiaid, mynd ar orymdeithiau, rhannu melysion.
Dethlir Eid al-Adha ,a elwir hefyd yn wledd aberth ,sy'n cael ei dathlu gan Fwslemiaid ledled y byd. Mae'r dathliadau yn cynnwys mynychu'r gweddïau arbennig a gynhelir mewn mosgiau mawr a chanolfannau Islamaidd.
Dethlir y Pentecost hanner can niwrnod ar ôl y Pasg gan Gristnogion ledled y byd. Mae'n coffáu disgyniad yr Ysbryd Glân ar apostolion Iesu Grist.
Gelwir Gŵyl Corpws Christi hefyd yn Ddifrifoldeb Corff a Gwaed Sancteiddiolaf Crist. Mae'n un o wyliau Eglwysi Uniongred, Lwtheraidd, Anglicanaidd a Lladin y Gorllewin a ddethlir er parch i ddwyfoldeb a phresenoldeb Iesu yn y Cymun sanctaidd.
Ganwyd Haile Selassie I ar 23 Gorffennaf, 1892, a bu’n ymerawdwr Ethiopia o 1930 i 1974. Mae’n fawr ei barch gan nifer o Rastafari, ac mae ei ben-blwydd yn un o'r dathliadau arwyddocaol yng nghymunedau Rastafari.
Mae Tisha B'Av yn ddiwrnod ympryd blynyddol mewn Iddewiaeth, ac mae'n cael ei ystyried fel y diwrnod tristaf yn y calendr Iddewig. Fe'i defnyddir i gofio’r holl drychinebau sydd wedi digwydd i'r bobl Iddewig fel yr holocost a dinistr teml Solomon. Mae'n cael ei ystyried yn ddiwrnod o alaru.
Dethlir Cysgadrwydd y Theotokos gan yr Eglwysi Uniongred Dwyreiniol, Uniongred Dwyreiniol, a Eglwysi Catholig y Dwyrain. Mae’n coffáu marwolaeth ac esgyniad Mair, mam Iesu Grist.
Yom Kippur yw'r diwrnod mwyaf sanctaidd mewn Iddewiaeth a Samariadaeth. Mae'n ddydd o ofyn am edifeirwch a chymod ynghyd â gweddïau, ympryd ac elusen. Mae'n nodi diwedd dyddiau uchel sanctaidd yr Iddewon.