Nid yw'r gwasanaeth Corneli Clip ar gael ar hyn o bryd oherwydd problemau technegol. Rydym yn gweithio i ddatrys y rhain mor fuan â phosib. Ymddiheurwn am unrhyw anghyfleustra.
Dechreuwyd y calendar hwn o ganlyniad i Gynllun Gweithredu Gwrth-hiliol Cymru.
Mae'n nodi digwyddiadau crefyddol, diwylliannol, ymwybyddiaeth, amrywiaeth, coffa a gwyliau banc. Mae’r digwyddiadau yn y calendar yn cysylltu ac yn arddangos yr eitemau amrywiol yng nghasgliad gwych y Llyfrgell.
Dethlir Diwrnod Hawliau Dynol yn fyd-eang ar y diwrnod hwn yn flynyddol. Yn ôl gwefan y Cenhedloedd Unedig “Dewiswyd y dyddiad hwn i gofnodi i Gynulliad Cyffredinol y Cenhedloedd Unedig fabwysiadu a datgan y Datganiad Cyffredinol o Hawliau Dynol (UDHR) ar 10 Rhagfyr 1948, y datganiad byd eang cyntaf o hawliau dynol, ac un o lwyddiannau mawr cyntaf y Cenhedloedd Unedig newydd”.
Mae Diwrnod Braille y Byd yn cael ei ddathlu i anrhydeddu dyfeisiwr Braille, Louis Braille, a phwysigrwydd Braille fel arf cyfathrebu a grymuso i rai sydd â nam ar eu golwg.
Nodir y diwrnod hwn er mwyn codi ymwybyddiaeth bellach o fater parhaus masnachu pobl ac atal y troseddau sy'n gysylltiedig ag ef yn fyd-eang.
Mae Diwrnod Crefydd y Byd yn tarddu o’r egwyddorion Bahá’í o unplygrwydd crefydd a'i ddatguddiad blaengar, sy’n disgrifio crefydd fel rhywbeth sy’n datblygu’n barhaus ar hyd y cenedlaethau. Pwrpas Diwrnod Crefydd y Byd yw amlygu’r syniadau bod yr egwyddorion ysbrydol sydd wrth wraidd crefyddau’r byd yn gytûn, a bod crefyddau yn chwarae rhan bwysig wrth uno dynoliaeth.
Mae Diwrnod Martin Luther King Jr yn ŵyl ffederal yn yr Unol Daleithiau sy'n nodi pen-blwydd Martin Luther King Jr a frwydrodd dros hawliau dynol ac urddas pawb, a'r cyfraniad wnaed gan ei etifeddiaeth tuag at geisio sicrhau byd cyfiawn a theg.
Mae Diwrnod Rhyngwladol Addysg yn cael ei nodi i ddathlu rôl addysg er mwyn sicrhau heddwch, datblygiad a chreu cyfleoedd i ddynolryw fyw i'w llawn botensial.
Mae Diwrnod Cofio’r Holocost yn ddiwrnod coffa rhyngwladol i ddioddefwyr yr Holocost, a arweiniodd at hil-laddiad traean o Iddewon, ynghyd ag aelodau di-rif o leiafrifoedd eraill, gan yr Almaen Natsïaidd rhwng 1933 a 1945.
Mae'r gwahanglwyf yn glefyd trofannol sydd wedi'i esgeuluso ond sy'n dal i ddigwydd mewn mwy na 120 o wledydd, gyda mwy na 200 000 o achosion newydd yn cael eu hadrodd bob blwyddyn. Mae'r diwrnod hwn yn cael ei goffáu er mwyn cynyddu ymwybyddiaeth y cyhoedd o'r gwahanglwyf neu glefyd Hansen.
Mae'r diwrnod hwn yn cael ei nodi'n rhyngwladol er mwyn parhau i godi ymwybyddiaeth o ganser a hefyd i annog ei ganfod, ei atal a'i drin.
Mae Diwrnod Cyfiawnder Cymdeithasol y Byd yn ddiwrnod rhyngwladol o ymwybyddiaeth i hyrwyddo cyfiawnder cymdeithasol a mynd i’r afael ag anghydraddoldeb cymdeithasol megis tlodi, allgáu, anghydraddoldeb rhyw, diweithdra, hawliau dynol, hunaniaeth rywiol a rhagfarn fiolegol a rhagfarn grefyddol.